Bergara Mahai Tenisa taldea sortu berri dute Markel Bilbatua eta Jokin Galiacho bergararrek. Debagoienean dagoen mahai tenis talde bakarra da, eta azken egunetan zenbait ekintza antolatu dituzte jendea kirolera gerturatzeko asmoarekin. Bada, entrenamendu saioekin abian dira dagoeneko, eta adierazi dutenez, ateak zabalik dituzte maila eta adin guztietako jendearentzako. 

Egubakoitzean, urriaren 2an, Maritxu Kajoi Egunean, elite mailako gizonezkoen pilota jaialdia egingo dute lehenengoz Uarkape pilotalekuan. Ander Murua arrasatearrak jokatuko du jaialdiko partida nagusia, Zabaletarekin batera, Altuna III.a eta Martijaren aurka. Sarrerak salgai daude oraindik entradasfronton.com atarian.