Atzo, zapatua, egin zuten Aitor Arana Mendi Martxa Aramaion. Guztira 110 lagunek hartu zuten parte, eta 16 kilometroko eta 24 kilometroko ibilbideak egiteko aukera izan zuten parte hartzaileek. Ibilbide motzean zein luzean anoa-postuak jarri zituzten mendizaleek indarrak berritzeko. 

Atzo goizean egin zuten XI. Oñatiko Mendi Martxa. 1.250 lagun inguruk hartu zuten parte, eta ohi bezala, mendizaleek bi ibilbideen artean aukeratu zuten: bata 32 kilometrokoa eta bestea 21 kilometrokoa. Mendi martxa amaitu ostean, arratsaldean, Patxangoi eta Xaukena elektrotxarangen emanaldiek musikaz girotu zuten ekitaldi amaiera.