Euskal Selekzioak Venezuelaren aurkako neurketa izan zuen atzo San Mamesen eta 1-0 irabaztea lortu zuen, Mikel Jauregizarren golari esker. 40.000 ikusletik gora elkartu ziren harmailetan –tartean, debagoiendarrak–. Garaipena ospatu zuten eta selekzioaren ofizialtasunaren aldeko aldarria ozen entzun zen. Han ateratako argazkiak helarazi dizkio Kepa Barrientosek Goienari.

Bergarako taldeak garaipen garrantzitsua lortu zuen atzo arratsaldean Agorrosinen, Sestao River mendean hartuta (2-0). Nagore Nieto Fernandez izan zen neurketako protagonista, lehen zatian bi gol sartuta. Etxekoek abantaila horri eustea lortu zuten bigarren zatian, eta, horrela, azken jardunaldietako bolada txarrari amaiera eman zioten