Abentura lurpeko munduan. Parte-hartzeko gutxieneko adina: 18 urte. Plaza mugatuak daude. Erreserbak eta informazio gehiago 943 082 000 edo arrikrutz@onati.eus.
Arantza Baskaran artista arrasatearren lanak ikusgai egongo dira erakusketa gisa, bihartik aurrera, Aroztegi Aretoan. Pintura abstraktua izeneko erakusketa irailaren 8ra bitartean egongo da.
Gaur hasiko dituzte Oñatiko San Lorentzo eta Larraña auzotan jaiak. Bada, aurten, bi asteburuko egitaraua osatu dute, San Lorentzo eguna abuztuaren 10ean ospatuko baitute. Hala, kontzertuak, pailazoak, txorimaloak eta mus txapelketa izango dira, besteak beste.
San Lorentzo auzoan jaiak ospatu zituzten aurreko asteburuan, baina bihar, Larraña auzoan San Lorentzo eguna ospatuko dute. Hainbat ekintza izango dira beraz, asteburuan, Larraña auzoan, besteak beste, bolajoko txapelketa, bertso saioa, meza eta auzo bazkaria.