Indarkeria Matxistaren Aurkako Eguna aldarrikatzeko tratu onen horma-irudia egingo dute Elgetako Herri Eskolan. Ikasleek etxetik eramandako argazkiekin osatuko dute.
Azaroko kontsulta hilaren 23an izango da. Txanda hartzeko deitu 943 76 80 77 telefono zenbakira.
Amaia Diaz de Monasterioguren dietistak egingo duen hitzaldia da hau. Herritar guztiei zuzendutako hitzaldia.
Udalak antolatuta hika ikastaroa kultura etxeko EPA gelan. Irakaslea: Juan Martin Elexpuru.
1937an euren etxeetatik kanporatutako emakumeen historia jaso du Iban Gonzalez aretxabaletarrak Ama, nora goaz? dokumentalean.
ZURRUMURRURIK EZ! Egitasomaren barruko ekintza da Josu Venerok zuzendutako 'road movie' estiloko luzemetraia. Dokumentalak Estatu Batuetako euskal komunitateen barrena bidaia proposatzen du, gizatalde hauekin harreman zuzena izan duten idazleen testuak gidatuta: Robert Laxalt, Bernardo Atxaga, Asun Garikano, Joseba Zulaika, Kirmen Uribe, William A. Douglass, Iñaki Uriarte eta David Rio.
Egileak, Iñaki Azkoagak, egingo du aurkezpena. Ekitaldi irekia.
Saioak asteazkenero izango dira, lehen taldea 15:30ttatik 18:0tara izango da eta bigarrena 18:00tatik 20:30tara. Izen ematea zizelkatu@gmail.com helbidean egin behar da eta 30€ eta 60€ arteko prezioa izango du.
Urtero bezala, Plazako Dantza Tradizionala ikastaroak antolatu ditu Arrasaten Portaloi elkarteak. Bi talde izango dira: hastapeneko taldea, eta 'beteranoen' dantza-txokoa. Saioak astelehenetan izango dira, urriaren 2an abiatuta, maiatza bitartean: talde berria –1.maila– 18:30etik 19:30era ariko da eta dantza-txokoa, berriz, 19:30etik 21:00etara. Hainbat dantza eskainiko dira: Lotuan –pasodoblea, baltsa, polka, schottischa, mazurka, boleroa, habanera, tangoa–; soltean– trikitixa, porrusalda, fandangoa, arin-arina–; jauziak; Baztango mutil-dantzak; kontradantzak; ingurutxoak; joko-dantzak, gabotak; braleak Baztango zortzikoa, Bolant dantza, Axuri beltza, Larrain dantza, Txerri dantza... Informazio gehiago eta izen-ematea hilabete honetan, irailean, ondorengo telefonoetara deituta: AEDra –943 77 12 28– edota Gazte Bulegora – 943 25 20 65–. Dantzan ikasi nahi al duzu? Animatu zaitez!
Ikastaroa astelehen, astearte eta asteazkenetan izango da eta izena eman beharko da aurretik 943760001 telefonoan. 14 pertsonako plaza mugatuak daude eta bergarakoek lehentasuna izango dute. Prezioa 60 eurokoa izango da, eta ikasle, langabe eta jubilatuentzat 40 eurokoa.
Ordutegia: Asteartetik ostiralera: 18:00-20:30. Larunbatetan: 12:00-14:00 eta 18:00-20:30. Igande eta jai egunetan: 12:00-14:00.
Oñatiko XIV.Mendia eta Natura argazki lehiaketara aurkeztutako lanak. (Aloña Mendiko mendi sailak antolatuta). Abenduaren 3ra arte egongo da zabalik.
Martxan dira Indarkeria Matxistaren Kontrako Nazioarteko Egunarekin lotutako ekintzak, herrian. Argazki erakusketa berezia dago ikusgai buztin gelan, eta lazo moreak daude eskuragarri herriko komertzioetan eta dendetan. Zapaturako elkarretaratzea deitu dute. Plazan izango da, 13:00etan.
Euskara aldean, erabili lanean lelopean antolatu du lehiaketa Danobat Groupek. Internetez hartu behar da parte, abenduaren 11 baino lehen; interesatuek hemen klikatu beharko dute. Partaide guztien artean bi txartel zozketatuko dira, Euskal Herriko nekazaritza-etxe batean bi lagunendako asteburu bateko egonaldi baterako.