Rezusta txapeldun!

Beñat Rezustak irabazi du Promesen mailako buruz buruko txapela, Beotibarren Ibai Zabalari 10-22 irabazi ostean. Bergarakoak goitik behera menderatu du partidua, eta une bakar batean baino ez ditu zalantzak izan, 6-19koan pilota bati ezker eskuko hatz txikiaz emandakoan min hartuta aldagelara erretiratu behar izan denean. Lekutik irten zaio hatza, baina ez da partidua amaitzeko oztopo izan. Datorren urtean Lehen mailako Buruz Burukoan izango da, onenekin lehian. [ARGAZKIAK]

Beñat Rezusta, partidua amaitutakoan, Reyes Azkoitiarekin.

Ezker esku eder horrek ez zuen finalean hutsik egin, eta hatz txikian min hartu bazuen ere, Beñat Rezustak (Bergara, 1993) ez zuen garaikurra solte uzteko asmorik, ez behintzat partidua amaituta Reyes Azkoitiaren besarkada jasotzen zuen bitartean. Txapela soinean eramateko, berriz, ez zuen eskurik behar, eta bai ondo jantzitako burua: "Halako partiduen aurrean erakusten duen lasaitasuna ez da normala, badu zerbait berezia", zioen Aspeko prentsa arduradunak aste barruan, Rezusta zenbaterainoko faborito zen galdetuta. Ba bai, badu zerbait berezia.

Zabala, aukera barik 

Hasierako saketik hartu zuen Bergarakoak aldea (1-5), eta Zabala markagailuan gerturatu egin bazitzaion ere, azkar handitu zuen aldea. Eta hori, Rezustak hainbat opari egin zituela, baina kontrarioak ez zuen horiek aprobetxatzen jakin, eta kontrara, Zabalak egindakoak bikain aprobetxatu zituen Aspekoak. 

Hala ere, Bergarakoak ez zuen aparteko oparirik behar. Ezkerraz ondo emanda Asegarcekoa defentsa lanean ibiltzera behartu zuen, eta txukun jardun zuen gainera: "Baina etengabe defentsan ibiltzea ez da seinale ona", zioen Berrizkoak partidua amaitutakoan.

Emoziotik gutxi izan zuen partiduak, 5-19ra ere egon ziren, finala izateko aurreikusi baino egur handiagoa jaso behar zuen Zabalak, Rezustak min hartu zuen arte. 6-19koan Rezustak ez zuen tantoa ondo amaitu, salduta utzi zuen bere burua, eta 7. koadroraino korrikaldia egin behar izan zuen Zabalaren pilotakadari erantzuteko; postura txarrean ahalegindu zen, eta min hartu zuen hatz txikian. 

Aldagelara bidean 

Batek baino gehiagok pentsatuko zuen hura ez zela señale ona, baina minutu gutxira itzuli zen, hatza babestuta, lekutik irten zitzaiolako. Orduan sortu zitzaizkion zalantzak, eta Zabalak bost tanto egiteko aprobetxatu zuen hori. Baina aulkian lagun zuen Gallastegik lasai egoteko esan, hari kasu egin, markagailuan zuen aldeaz jabetu eta partidua amaitzeko gauza izan zen (10-22): "Txapelketa nahiko erregularra egin dut, eta finalean opariren bat egin dut, baina gustura geratu naiz egindako lanaz". Profesionaletako lehen urtea borobildu du, eta adi, datorren urtean onenekin izango delako.


Bergaratik joandako lagunak ondoan izan zituen Rezustak, eta amaieran eurekin egin zuen talde erretratua: 

 

Erlazionatuak

MENDIA: Jokin Garai oñatiarra hirugarren, Hiru Handiak mendi zeharkaldian

Oñati

Javi Dominguez gasteiztarra (11 ordu) eta Silvia Trigueros bizkaitarra (12:48) izan dira aurtengo Hiru Handiak proban atletarik azkarrenak. Gizonez...
IGERIKETA: Igerilari koadrila galantak gozatu zuen zapatuan Txantxiku sariaz, Oñatin

Oñati

Oñatiko igerilekua neska-mutikoz bete zen zapatu arratsaldean Txantxiku Saria jokatzeko, eta ondoren, igerilekutik pilotalekura joan ziren denak, s...
MOTO-KROSA: Jon Idiakez izan zen elite mailan azkarrena

Bergara

Tarte polita eskuratu zuen Idiakezek. Hautsa ez altxatzeko botatako urari esker, Bergarako zirkuituak itxura ona erakutsi zuen.
AUTOMOBILISMOA: Udanako Igoerako txapelak bailaran geratu dira

Oñati

Euskadiko Mendiko Sariko laugarren garaipena eskuratu zuen zapatuan Aitor Zabaleta bergararrak, eta aitortu zuen astebururo lasterketak korritzeak ...
KIROL JAIA: Ohikoak ez diren kirolak egiteko aukera izan dute aretxabaletarrek

Aretxabaleta

Judoa, karatea eta cricketa ezagutu eta dokean, saskibaloian, pilotan, trialsinean eta lasterka jarduteko aukera izan dute herritarrek gaur, zapatu...
TXIRRINDULARITZA: Marianne Vos nederlandarra txapeldun Oñatin, Emakumeen Biran

Oñati

Marianne Vos munduko txapelduna gailendu zen atzo Oñatin, Emakumeen Biran. Lehendabiziko aldiz hartu zuen Oñatik emakumezkoen txirrindularitza txap...
ESKUBALOIA: Gipuzkoarrak eta nafarrak irabazle Korpus txapelketan

Oñati

Oñatin elkartu ziren Hego Euskal Herriko lau eskubaloi selekzioak zapatuan: Araba, Bizkaia, Gipuzkoa eta Nafarroa. Zubikoa kiroldegiak 160 neska-mu...
KENPOA: Arrasatearrek gustora txapelketetan egindako lanarekin

Arrasate Eskoriatza

Hainbat domina lortu zituzten kenpo borrokalari arrasatearrek zapatuko txapelketetan. Gipuzkoako eta Euskadiko Kenpo Txapelketak jokatu zituzten Es...
ESKU PILOTA: Pilotari debagoiendarrak garaile aurtengo Debarro txapelketan

Arrasate, Bergara eta Soraluzek txapel bana irabazi dute Debarro txapelketan. Zapatuan jokatu ziren finalak Eskoriatzan. Debagoiendarrak garaile i...
FUTBOLA: Hogei urte Aloña hirugarren mailara igo zela; iragana eta oraina, erretratuetan

Oñati

Aloña Mendik ez ditu garai bateko jokalari erreferenteak ahaztu; klubarendako urte historikoa izan zen 1994koa, Hirugarren Mailara igo zirenekoa. E...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.