Hainbat domina lortu zituzten kenpo borrokalari arrasatearrek zapatuko txapelketetan. Gipuzkoako eta Euskadiko Kenpo Txapelketak jokatu zituzten Eskoriatzako Manuel Muñoz kiroldegian. Arrasate, Oñati eta Eskoriatzako kenpo taldeek hartu zuten parte, beste hainbat talderen artean.
Guztira, 200 borrokalari bildu ziren borroka arte horretan lehiatzeko. Lehendabiziko postuak cluben artean nahiko banatuta geratu ziren.
Adin guztietako borrokalariak bildu ziren, eta hainbat ariketa egin zituzten lehiaketen baitan: Katak egin zituzten hasteko, gero Goshiak, defentsa pertsonaleko erakustaldiak zein simulazioak eta azkenik, bikoteka borrokaldiak egin zituzten.
