ESKUBALOIA: Gipuzkoarrak eta nafarrak irabazle Korpus txapelketan

Oñatin elkartu ziren Hego Euskal Herriko lau eskubaloi selekzioak zapatuan: Araba, Bizkaia, Gipuzkoa eta Nafarroa. Zubikoa kiroldegiak 160 neska-mutil jaso zituen. Korpus txapelketaren zazpigarren edizioa hasi orduko, kiroldegia beteta zegoen. Goizean sailkapen partiduak jokatu zituzten, eta arratsaldean finalen ordua izan zen. Mutil gipuzkoarrek irabazi zieten bizkaitarrei, (32-12); eta nesken mailan, nafarrak gailendu ziren, gipuzkoarrak atzean utzita (27-20).