Astelehena, otsailak 3

10:00

'Umorea gauza serioa da!' hitzaldia

Umorearen inguruko ikuspegi panoramikoa eskainiko du Kike Amonarrizek. Antolatzailea: Goienagusi.

10:30

San Blas eguna

Apotzaga-etxebarri auzoko Sailuente ermitan zaindariaren omenezko meza esango dute, eta ondoren, etxetik eroandako jakiak bedeinkatuko dituzte.

11:30

12:00

Pentsiodunen sinadura bilketa

Herri Ekimen Legegilea (HEL) babesteko elkarretaratzea eta sinadura bilketa Euskal Herriko Pentsiodunen Mugimenduak deituta. Aretxabaletako taldea hamabostean behin elkartuko da Herriko Plaza barrenean, 11:30ean.

12:00

12:20

Pentsiodunen elkarretaratzea

Pentsio publiko duinak, kalitatezko egoitza publikoak eta adinekoen zaintza lanetarako laguntza publikoak aldarrikatzeko elkarretaratzea herriko hainbat pentsiodunek deituta.

16:00

'Cónclave' filma helduendako

Helduek Cónclave (Erresuma Batua, 2024, 115 minutu) filma izango dute. Aita Santu baten heriotzaren ondoren berriaren aukeraketan sortutako sekretu eta konspirazioak ditu ardatz Edward Berger zuzendariaren lanak. Sarrera: 3 euro.

18:00

20:00

'Txino dantza: 50 urte' erakusketa

Txino dantza berreskuratu zela 50 urte beteko dira otsailean eta horren harira erakusketa antolatu du Loramendi txistulari taldeak. Hilabete guztian egongo dira argazkiak ikusgai erakusketen aretoan.

18:00

19:30

Idazketa tailerra

Idazteko zaletasuna izaki, idazketa lantegian parte hartzeko izena eman dutenen saioa. Jose Mari Iturralde da irakaslea.

10:00

'The Black Box' (Kutxa beltza) erakusketa

'Black Box' adimen artifizialaren alderdi nagusienei buruz kontzientziatzea helburu duen erakusketa-modulua da. Adimen artifiziala esploratzera gonbidatzen duen kutxa beltz bat da. Ordutegiari dagokionez, Bergarako Laboratorium Museoaren ordutegiaren araberakoa da. 

16:00

Amantalak taldearen erakusketa

Emakumeen Genitalen Mutilazioaren Aurkako Nazioarteko Egunarekin lotuta erakusketa zeramika gelan otsailaren 3tik 9ra. Antolatzailea: Elgetako Amantalak talde feminista.