2015eko urtarrilaren 16an kaleratu zuten Puntua aldizkariaren lehen zenbakia eta Goiena Komunikazio Taldearen egoitzan egin zuten aurkezpena, Arrasaten. "Pentsa, dagoeneko hamaika urte pasatu dira ordutik, eta gaur, egubakoitza, 500. zenbakia kaleratu dugu. Hori dela eta, oso pozik gaude, benetan", azaldu du Monika Belastegik, Puntua-ko erredaktoreburuak.

Gaur arratsaldean egin dute Soran etxearen inaugurazio ekitaldia Leintz Gatzagan. Iker eta Xabi Perez Gaztañaga anaiek berrabiarazi dute 2019az geroztik itxita egon den eraikina, eta "ilusio handiarekin" abiatu dute hotelaren etapa berria. Herriko ordezkariek eta Gipuzkoako Foru Aldundiko kideek ere parte hartu dute inaugurazioan, proiektuak herriarentzat duen garrantzia azpimarratuz.