Udal Gobernuak urte hasieran abiatu zuen herriaren etorkizunari buruzko hausnarketa prozesu bat herritar talde baten eta Bat Bi ta Hiru aholkularitza taldearen laguntzarekin, "herriaren egoera aztertzeko eta etorkizunerako erronkak identifikatzeko helburuarekin". Irailean ekingo dio bigarren faseari.

Euskalmetek joan den ekaina lehorra izan dela adierazi du, oro har, eta oso beroa tenperaturei dagokienez. Prezipitazio zaparrada trumoitsuek ere baldintzatu dute oso modu irregularrean. Guztira, 24 abisu hori, 12 alerta laranja eta 3 alarma gorri aktibatu ziren, prezipitazio handiengatik, tenperatura altu iraunkorrengatik, muturreko tenperatura altuengatik eta baso-sute arriskuagatik.