Herriko artisauak Kultura Azoka Gunearen azken txanpan

Oñati

Kultura Azoka Guneak ateak ixtear dituen honetan, herriko artisauendako bilgune bilakatu da. Bertan egindako ekintzen harira, balorazio ona egin du Iñaki Olalde Kultura zinegotziak: "Hasiera-hasieratik, mezua jairik ez zegoela izan da; argi genuen, aldiz, kultura ekintzak bultzatuko genituela. Horietan herritarrek parte hartu dute eta balorazioa ona da".