Gaur abiarazi dute Azoka Kultura Gunea, eta, plaza ondoko karpan egokitutako leku denak beteta, emanaldi ederra egin dute Amak taldekoek.
Umeentzako antzerkia egon da arratsaldean, eta trikitilari laukotearen emanaldia iluntzean. Amak taldekoek kutsu modernoz darabiltzate instrumentu eta doinu tradizionalak, ahotsei ere garrantzia handia emanaz eta bestelako perkusio instrumentuak ere erabiliz, soinu txiki eta panderoaz gain.
Proposamena oso gustuko izan du Oñatiko publikoak, eta biziki eskertu du kulturaz gozatzeko aukera.
Datorren astean Arrasaten izango dira Amak taldekoak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
