XXXVIII. San Migel pilota txapelketako finalak jokatu ziren domekan Oñatiko Zubikoa Kiroldegiko pilotalekuan, eta promesa mailan, Iñigo Erle oñatiarrak txapela jantzi zuen Alberdi azpeitiarrarekin batera. 22 eta 21eko emaitzarekin garaitu zuten Garcia-Agirre bikotea lepo bete ziren harmailetako herritarren pozerako. Ander Biain antolakuntzako kidea ere "pozik eta gustura" agertu da txapelketak eman duenarekin, bai pilotarien mailari dagokionez, eta baita herritarrek emandako babesari erreparatuta ere.