Bi emanaldietan lepo bete da Azoka kultura guneko karpa, eta ikusleen hasieratik bukaerara arte gozatu dute. Piano doinuekin hasi eta bukatu dute kontzertua. El largo sueño de una polilla diskoko kantu guztiak jo ditu, horietako asko, pandemiak eragindako itxialdian idatzitakoa. Gaixo zegoen amari idatzitako kantu bat, edo Alzheimerra zuen lagun bati idatzitakoa.
Horietan guztietan, eta bere ahotsari lagun egiteko, sei musikari izan ditu lagun oholtza gainean: Txus Maravi, Eugenio Aristu, German San Martin, Selva Baron, Patrcia Greham eta Nahia Ojeta.
Barricada eta Los Secretos
Azken diskoko kantuez harago, Barricadaren ereserkietako batzuk, formatu akustikoan jo ditu. Doinu horiekin bai berotu ditu ikus-entzuleak: No se que hacer contigo, La hora del carnaval, Animal Caliente eta Esta noche.
Los Secreto taldearen Frio kantuaren bertsioa ere egin dute.
