Emakumeek izaera indartzeko ez ezik, ikasteko eta elkarrekin esperientziak partekatzeko espazio libreak dira Jabekuntza Eskolak, non balio feministak dituzten ikastaroak zein hitzaldiak edo irteerak eskaintzen dituzten eta harremantzen ere laguntzen duten. Hiru daude Debagoienean: Arrasaten, Oñatin eta Bergaran. Antolatutakoek gero eta harrera hobea dutela baieztatu dute hiru herrietako Berdintasun teknikariek

Gure ingurune menditsuan iturburu asko daude eta ur horiek aprobetxatu egiten dira, bereziki, landa-eremuan. Erabiltzaileek duela gutxira arte ondasun horrengatik ez zuten ordaintzen, baina gaur egun bai, baserrietako ur-deposituetan kontagailua jartzea derrigorrezkoa baita. Gainera, iturburu batzuk agortu egin dira. Erakunde publikoek badakite gero eta balio handiagoa izango duela urak.