Haurrek, banan-banan, Errege Magoen gozokiak jaso dituzte
2021 urt 05 Arrasate
Desfilearen ordez, Biteriko karpan egon dira gaur Errege Magoak eta, iritsi ahalaz bat, mikrofonoa hartu eta haur arrasatearrei harrera egin diete, Meltxorrek euskaraz, Gasparrek gaztelaniaz eta Baltasarrek frantsesez. Ondoren, ilaran jarrita zeuden haurrak banaka igo dira oholtzara, euren eskutitzekin, eta trukean gozokiak oparitu dizkiete Errege Magoek.
