Euskaraldiaz jarduteko bilera irekia
2018-09-19 12:35 Euskara Antzuola
Euskaraldia antolatzeko hurrengo batzarra irailaren 20an, gaur, izango da Olaran etxean 18:30ean. Herritar ororendako bilera irekia da.
San Migel pilota txapelketako finalerdiak jokatuko dituzte bihar, eguena
2018-09-19 11:40 Kirola Oñati36. San Migel pilota txapelketako finalerdiak jokatuko dituzte eguenean: 18:30ean izango dira lehiak Zubikoa kiroldegian. Kadete mailako, gazte mailako eta promesa mailako partiduak izango dira.
Bi ekimen aste honetan, Euskaraldia hedatzen laguntzeko
2018-09-19 11:13 Gizartea Arrasate
Ostegunean, hilak 20, izen emateak hasiko dira, eta horri indarra emateko irekiera argazkia aterako dute Geikeko kideek eta herritarrek, Portaloian, 19:00etan. Egubakoitzean, aldiz, afari merienda herrikoia egingo dute Kondekuan, 19:30ean.
Diagnosia borobiltzeko bilera irekia egingo du EH Bilduk zapatu goizean
2018-09-19 11:08 Gizartea Oñati
'Harittu' prozesua abiatu zuenetik herriaren diagnosia egiteko ekarpenak jasotzen ibili da EH Bildu. Herritarren zein eragileen aldetik jaso ditu eta horiei forma eman, azken ekarpenak jaso eta diagnosia borobiltzeko, bilera irekia egingo du zapatuan, 10:00etan, gaztelekuan.
Domekan Ganbo tontorrera egingo du irteera Kantsatzeke mendi taldeak
2018-09-19 10:05 Kirola Elgeta
Taldea 08:00etan abiatuko da plazatik autoetan, eta Amezketatik abiaraziko dute mendi buelta. Bost bat orduko irteera izango dela aurreikusten dute antolatzaileek.
Etxeko produktuak plazan saltzeko eguna izango da zapatua
2018-09-19 08:30 Ingurumena Elgeta
Azoka izango da Mendizaleen Plazan, eta hamahiru postutik gora espero dituzte antolatzaileek. Frutak, barazkiak, gozoak edo artisau lanak eskainiko dituzte gehienetan. Intxortako igoera 11:00etan jokatuko da, eta antzerkia ere egongo da 18:00etan.
Pintura lehiaketa egingo dute domekan
2018-09-19 09:44 Kultura Oñati
Jaien barruan, ageriko pintura lehiaketa egingo dute domeka goizean. Edonork hartu dezake parte. Lanak Oñatin bertan egin beharko dituzte eta gero erakusketan jarriko dituzte ikusgai.
Hileta zibilen gaian "ezer ez egitea" leporatu dio EH Bilduk Udal Gobernuari
2018-09-19 09:39 Gizartea Arrasate
Azaroan hileta zibilak egiteko leku estali baten aldeko 1.769 sinadura aurkeztu zituzten. Gaia OZMA batzordeari dagokio, eta bertara hamar herrietako araudiak eta lau kokaleku eraman arren, batzuetan ez dute erantzunik jaso, eta besteetan, aldiz, ezezko borobilak. "Zoritxarrez negu berri bat dugu hor bueltan. Soluzioak behar ditugu, ez denbora irabazteko trikimailuak".
Euskal eskola publikoa gatz bidia egiten
2018-09-19 09:29
Gizartea
Irailaren 18an, Eskoriatzako Luis Ezeiza eta Aretxabaletako Kurtzebarri eskolako irakasleak Gatz Bidie egitera animatu ginen. Ondoren, Gatz Museoaren bisita eta Gatzagarrak mokadutxoa prestatu ziguten. Mila esker antolatzaileei eta animo bide hau bultzatzen ari zareten guztioi!!
'Hemen Debagoiena' saioa osorik: 2018-09-18
2018-09-18 19:30 Gizartea Debagoiena HEMEN DEBAGOIENAIrailaren 18ko saioan, Bergarako Aritzeta auzoan dagoen San Migel baselizan egindako indusketek emandakoaz egin dute berba platoan Iosu Etxezarraga arkeologoak eta Jokin Bereziartuak. Mugikortasunaren Astea dela eta Oñatin martxan jarri duten Juntalekuak egitasmoaren xehetasunak eman ditu Eneko Azurmendik.
'Pauso osasuntsua' proiektua saritu egin dute
2018-09-18 17:34 Gizartea Antzuola
Antzuolako Udalak eta Landatxope erretiratuen elkarteak elkarlanean sortutako Pauso osasuntsua proiektua saritu zuten egubakoitzean. Euskadi Lagunkoia programak, ontzat eman zuen Antzuolako proiektuaren ideia, aurkeztutako beste 27 ideiekin batera.
Zortzi proposamen aukeran Kurtzetxiki haur parkea berritzeko
2018-09-18 17:08 Gizartea Arrasate
Bedoñabe eskola alboan kokatzen den parkea laster berrituko dute. Eraberritze lanak egiteko zortzi proposamen jaso ditu Udalak, eta herritarrek gustukoena aukeratzeko prozesua jarri dute martxan. Irailaren 30era arte egongo da horretarako aukera, Bedoñaben bertan, edo Udal webgunearen bitartez.
Harmailatik (2018-09-17)
2018-09-18 16:45 Kirola Arrasate Bergara HARMAILATIKAbiadura Handiko Trenaren Bergarako lotuneko lanak martxan daude
2018-09-18 16:45 Gizartea Arrasate Bergara Debagoiena
Adif-ek jakinarazi du Euskal Y-ko Bergarako lotuneko bigarren sektorearen aktaren sinadura burutu duela, sinadura horrek, Arrasate-Elorrio-Bergara lotuko dituen zatiaren lanak hastea ahalbidetzen duelarik. 5,24 kilometro eta lau tunel izango dituen zatia eraikiko dute eta lanak 30 hilabetetan amaitzea aurreikusten da.
Nabarmenak
_admin_thumbnail.jpg)
Nire aukera 6 da.
»» Zortzi proposamenen argazkiak