Indarkeria matxista salatzeko martitzenean egindako elkarretaratzearen ostean, Emakumea eta kirola ekimenari begira jarri dira Amantalak talde feministako kideak.
Egun osoko egitaraua prestatu dute biharko, zapatua eta parte-hartzaileak 10:30ean elkartuko dira kiroldegian. Kafea hartu ostean zumba (11:15), erromeria (12:45), swing (16:30) eta aretoko dantza (18:30) saioak egingo dituzte. Ibone Ramosek gidatuko du zumba saioa, Bea Sarraoak eta Idoia Elkorok erromeria saioa, Esti Bravok aretoko dantzen saioa eta Maike Herrerak swing saioa.
Erakusketa buztin gelan
Ekimenarekin lotuta, erakusketa ere prestatu dute eta ikusgai dago atzotik buztin gelan. Joakin Gastesik, Gregorio Santa Cruzek eta abar luze batek dantza mugimendua bultzatzeko herrian egindako lanaren berri jasotzen da bertan. Erakusketa domekara arte egongo da ikusgai.