Hamargarren San Esteban krosean parte hartzeko, eskolan, liburutegian edo udaletxean eman daiteke izena, hilaren 5a baino lehenago. Dagoeneko 31 heldu apuntatu direla adierazi du Udalak. Egitarauari dagokionez, adinaren arabera banatuta, honakoa da ordutegia:
- 17:30ean, 5 urtekoen gela, LH1 eta LH2koen lasterketa, 300 metro.
- 17:45ean, LH3 eta LH4koen lasterketa, 500 metro; eta LH5 eta LH6koena, 1.000 metro.
- 18:00etan, DBH1etik DBH4ra artekoen lasterketa, 2.500 metro; eta 16 urtetik gorakoena, 5.000 metro.
Boluntarioen beharra
Boluntarioak behar dituzte San Esteban krosa egin ahal izateko; hain zuzen ere, ibilbidean zehar laguntzeko. Hala, animatzeko deia egin die herritarrei. Interesa dutenek, idatzi udala@antzuola.eus helbidera.