Lanak bukatuta, erabilgarri dago Urgaineko kanpo espazioa

Oihana Elorza Gorostiza 2025eko azaroaren 28a

Dagoeneko bukatu dituzte Urgain Errekalde ikastetxeko kanpo espazioko jolasgune berriko lanak eta erabilgarri dago. Sormena lantzeko, esperimentazioan murgiltzeko zein gozatzeko guneak barnebiltzen ditu espazioak.

Uztailean hasi zituzten hirugarren eta azken faseko lanak eta hilabete honetan, azaroan amaitu dituzte. Duela hiru urte, lehen fasean, lur eremua egokitu zuten eta ur ezberdinen bideraketa kontrolatu. Bigarren fasea egin zuten iaz, jolas eremua antolatu zuten, ur bideratzeak, asfaltatzea eta argiteria aldatzeaz gain. Orain, hirugarren fase honetan landaketarekin batera, jolas elementuak jarri. Horiekin batera, zuhaitzak ere landatu dituzte, jolas espazio hori aberasteko.

Natura elementuek esangura handia dute jolas gune berri honetan. Kolore, testura eta tamaina ezberdineko materialez egindako bederatzi gune barnebiltzen ditu eta aukera ematen du jolasteko eta jolasten ikasteko. Esaterako: tirolina bat, arearen jolasteko gunea, txabolak, iturria, oreka jolasak, eskailerak eta txirrista daude, besteak beste. Izan ere, ez da espazio soil bat. Ikasleak hasi dira euren esperimentaziorako erabiltzen baina ikasturtean zehar hasiko dira sistematizatzen erabilera, metodo zientifikoa sartuta. Hiru lau urtetik gorako umeendako espazioa da ikastorduetatik kanpo eta jai egun eta asteburuetan herritar guztiendako zabalik dagoena, erabilera pedagogiko berarekin.

Ia 150.000 euroko aurrekontua izan du hirugarren eta azken fase honek prozesu osoaren finantziazioan Jaurlaritzako Hezkuntza eta Ingurugiro sailek emandako diru laguntza izan du Udalak, bere diru propioaz gain eta Urgainek zenbati puntutarako lortutakoei batera. 

Azken urteetan hainbat birgaitze edo egokitze lan egin ditu Udalak herriko jolas eremu ezberdinetan eta berriak ere sortu ditu. Espaziook jolaserako joera berriak eta gizartearen erronkak dituzte erdigunean eta jolasgune berritzaileak eta hezitzaileak izatea izan du kontutan Udalak eta kontestu horretan sartzen da Errekaldeko espazio hau ere.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak