Beldur Barik 2025 Topaketa egin zuten atzo, azaroak 28, Derion eta EAEko ehun gazte inguru elkartu ziren. Gazteen artean indarkeria matxista prebenitzeko lehiaketaren XVI. edizioan 300 lan baino gehiago jaso dituzte eta Bilbo, Irun, Portugalete, Oñati, Derio eta Donostiako parte-hartzaileen lanak izan ziren sarituak.
17 eta 20 urte bitartekoen kategorian, taldekako saria jaso zuten Oñati Institutuko Lanbide Heziketako ikasleek Zu... Aldatzeko prest zaude? lanarekin. Espazio maskulinizatuen okupazioaren eta maskulinotasun berrien aldeko apustua egin dute oñatiarrek.
Ikus-entzunezko lan onenaren saria Donostiako AEG ikastetxeko Patroigintza eta
Modako bigarren mailako ikasleei eman zieten, Kahtarsi bideoagatik. Eta 12-16 urtekoen kategorian hiru sari banatu zituzten: Bilboko Urretxindorra ikastolakoek taldekako lehen saria eskuratu zuten kategoria horretan Youtuber toxikoak lanagatik. Irungo gazteek banakako saria jaso zuten Krisalida bideoagatik. Eta Portugaleteko Zunzunegui institutukoen Kalewinak lanari aipamen berezia egin zioten.