Orain arte jokatutako ildo beretik joan zen lehia. Atsedenaldian 3-0 galtzen zuten arrasatearrek, eta bigarren zatian ere antzera ibili ziren. Gola sartzeko aukeraren bat edo beste izan zuten Andoni Ezkurrak entrenatzen dituen neskak, baina ez zuten zorterik izan.
Ezkurrak berak jakinarazi digu oso partidu gogorra izan zela gaurkoa, eta ez bakarrik emaitzagatik, baita norgehiagoka osoan izandako eguraldi kaskarragatik ere.
Gaineratu digu esku hutsik baina Bilbon egindako esfortzuagatik pozik itzuli zirela Arrasatera.
