Erregional preferentean, Mondrako jokalariek 1-2 nagusitu ziren Tolosako Berazubi zelaian, eta hiru punturekin bueltatu ziren etxera. Sailkapenean, seigarren badaude ere, Soraluce liderra sei puntura baino ez dute.
Partiduan sartzea kosta egin zitzaien, zelaia belar naturalekoa zelako eta ez daudelako ohituta baldintza horietan jokatzera. Hala, atsedenaldira 0-0 heldu ziren.
Bigarren zatian, jokaldi azkar batean heldu zen Gotzon Urtzelairen mutilen lehen gola; Tolosak bere atean sartuta iritsi zen gol hori. Handik ordu laurden batera, bigarren gola egin zuten arrasatearrek; hain justu, Aitor Azkaratek sartu zuen hori. Eta partidua amaitzeko 20 bat minutu falta zirela, 1-2 heldu zen. Hortik aurrera tolosarrek berdinketa lortu ez zezaten lan egin zuten Mondrakoek.
