Urteak daramatza Antzuolako Anelkar Elkarteak Elkartasun Jaia ospatzen, eta atzo, Zurrategi plazan elkartu ziren antzuolarrek kozinatutako patata-tortillen pintxoak saltzeko. 1.397 euro batu dituzte, eta jasotako dirua Senegalen eta Kongon dituzten proiektuetara bideratuko dute.

Internet eta teknologia zerbitzuetara dedikatzen da Ion Lizarazu (Antzuola, 1990) profesioz, eta denbora librean ere gustuko du Wikipediako munduaren eta informazio librearen saltsan aritzea, aisialdiarekin lotutako gaiak lantzeko. Oraingoan, erraldoi.eus plataforma jarri du martxan: Euskal Herriko herrietan dauden erraldoiak ezagutzeko atari digitala.