Egubakoitzetik, narrua garbitzen eta lantzen zuten tailer bat irudikatzen duen erreplika dago ikusgai Bustinzuri plazan, eta narruarekin egiten zituzten hainbat produktu ere ikus daitezke bertan. Egitasmo gehiago ere egingo dituzte datozen hilabeteetan.

Jaietako zapatuak –hilak 18– egitarauko hitzordu garrantzitsuenetakoak bilduko ditu, beste urte batez. Urtez urte sendotu den egitarauari eutsiz, Antzuolako Alardea izango da eguneko ardatz nagusia, baina ez da protagonista bakarra izango. Bergarako Udal Bandaren kalejirak eta kontzertuak eta gauean Joselu Anaiak taldearen erromeriak osatuko dute goizetik gauera herria jai giroz beteko duen eskaintza.