Urriaren 7rarte egongo dira ikusgai Olaran Etxeko erakusketa aretoan Hiri Antolamenduko Plan Orokorrarekin lotutako planoak eta informazio osagarria, goizeko ordutegian. Hain zuzen, epe horretan bukatuko da alegazioak aurkezteko epea. 

Antzuolako Udalak jakinarazi du hainbat administrazioren dirulaguntzak eskuratu dituela azken hilabeteotan, udalerrian hobekuntza eta inbertsio-jarduketak gauzatzeko helburuarekin, argiteria publikoa hobetzera, Basaldeko bidegorri zatiaren proiektua idaztera, autokonpostaje proiektura eta Altzetako bidea konpontzera bideratuko dira dirulaguntzak.