Eskubaloi zaleak Danimarkan jokatzen dabiltzan Europako Txapelketara begira dauden bitartean, egubakoitz ilunkeran zale oñatiarrek ez zuten primerako eskubaloiaz gozatzeko proposamena baztertu. Zubikoako harmailetan jende asko zegoela jokatu zuten urteroko hitzordua; hala, lagunarteko partidua izanda ere bai Bidasoa Irunek eta baita Helveitia Anaitasunak ere garaipen batekin hasi nahi zuten 2014a. Eta kantxan ikusitakoak ez zuen Asobal ligako sailkapenak erakusten duena isladatu, Bidasoak hiru goleko aldeaz partidua irabazi zuelako (32-29).
Hain zuzen, Bidasoako ordezkari Jon Azkuek GOIENARI adierazitakoaren arabera, ligako bigarren itzulian beste talde bat ikusiko dugu: "Azkenak gara sailkapenean, baina egoera honi buelta emateko gauza garela sinistuta gaude. Lehenengo itzulian gauza asko ez ditugu ondo egin, baina zorteak ere ez digu lagundu, ditugunak baino puntu gehiago merezi izan ditugulako".
Hala, Zilarrezko Ohorezko Mailarako egindako taldeak azken orduan Asobalen jokatzeko aukera aprobetxatu zuten, eta ligako lehen itzulian igarri egin da hori. Baina, Fernando Boleak zuzentzen duen taldeko kideak sinistuta daude baietz, 2014ean Bidasoaren aurpegi onena ikusi behar dugula. Hasi dira horretan, urteko lehenengo lagunartekoa irabazita.
Asteleheneko GOIENA paperak jasoko du kronika osoa, eta baita Fernando Boleasi elkarrizketa ere.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
