Beraz, sailkapenean dauden tira birak ikusita, beharrezkoa zen garaipena arrasatearrentzat, izan ere hala, aurrera pausu bat ematen baitzuten. Baina, ezinezkoa izan da. Partidua ez da gaizki joan, nahiko orekatua izan da partidua momentu batzutan, arrasatearrak irabazten ere joan dira 6 puntuko aldearekin baina azken laurdenean akats gehiegi egin ditu taldeak eta partidua bertan galdu dute. Izan ere, azken laurdeneko 4 minututan, saskiratzerik ez du egin taldeak. Denbora gehiegi saskiratzeke eta hori azkenean, nabaritu egiten da azken emaitzan. Esan bezala, azkenean 4 puntugatik MUko mutilek ezin izan dute garaipeneko puntuak etxera eramana. Datorren astean berriz saiatu behar.
Kadeteek ere porrot
Kadete mailako mutilek ere galdu egin dute euren partidua. 57-60 izan da azken emaitza, nahiz eta partidu guztian zehar irabazten joan diren. 12 puntuko aldea ere izan dute, baina falta asko egin dituzte eta Badiola lesionatuaren falta ere asko sumatu dute. Azkenean 20 puntuko partzialaz, aurkariak gailendu egin dira eta hirugatik partidua galdu dute arrasatearrek.
