Mozorroa jantzita hasi dituzte jaiak Osintxun

  Gizartea  Bergara

Ohiturari eutsiz osintxuarrak mozorrotuta hasi dituzte Kofradixak. Auzoko plazatik irten eta Soraluzeraino joan dira flamenkoz, punkyz, ardiz... jantzita. Bizikleta buelta egin eta gero, mokadutxoa egin dute Osintxun.

»» Ikusi argazki guztiak (35)

Ederto ospatu dituzte Sanbartolomeak Mazmela auzoan

  Gizartea  Eskoriatza

Zapatuan ospatu zuten San Bartolome eguna Eskoriatzako Mazmela auzoan. Auzo-bazkaria izan zen, eta bazkari ederrarekin gozatzeaz batera, auzokoekin momentu atsegin bat pasatzeko aprobetxatu zuten bertaratutakoek. Iaz antzera, 40 lagun inguru izan ziren bazkarian, eta aurten berrikuntza moduan, Imanol eta Egoitz trikitilariak izan ziren eguna girotzen.

»» Ikusi argazki guztiak (17)

San Bartolome eguneko urteroko hitzorduari ezin hutsik egin

  Gizartea  Bergara  Elgeta

Abuztuaren 24a egun berezia izaten da urtero Angiozarko Zabaleta auzoan. Eguerdian mezarekin eta luntxarekin hasi zuten eguna, eta ondoren, besteak beste, bertsoak, afaria edota erromeria izan ziren. Eta, nola ez, arratsaldez egin zuten bolo txapelketa, zeinetan beste behin ere auzoko zein kanpoko jende ugari batu zen.

»» Ikusi argazki guztiak (21)

Puntako eskubaloi ikuskizuna Kilometroak jaiaren alde

  Kirola  Oñati

Bera-Bera eta Aula Valladolid taldeen arteko lagun arteko norgehiagokak jende ugari batu zuen Zubikoa kiroldegiko harmailetan. Hilabete barru Oñatin ospatuko duten Ikastolen aldeko jaiaren bueltan antolatu zuten partidua, eta zaleek ez zuten aspertzeko tarterik izan. Lehen zatian nahiko berdinduta egon bazen ere, bigarrenean Bera-Berak gehiago asmatu zuen, eta 30-24 emaitzarekin bukatu zen lehia.

»» Ikusi argazki guztiak (33)

Argazki galeria: San Bartolome eguneko sardina jana

  Gizartea  Antzuola

Eguraldi onaz lagunduta, herritar asko animatu dira beste urte batez Anelkarrek antolatutako sardina jan solidariora. Hala, giro ezin hobean pasatu dute eguerdia.

»» Ikusi argazki guztiak (9)

Zirku ikuskizunaz gozatu dute haurrek eta nagusiek

  Kultura  Bergara

Bidaibizitzen ikuskizuna izan zen atzo iluntzean Seminarioko jolastokian. Tina txotxongiloaren eta bere lagun berezien konpainian, malabareak, akrobaziak, antzerkia eta jolasa batzen zituen espektakuluarekin liluratuta geratu ziren ikusleak.

»» Ikusi argazki guztiak (19)

Ausart zezenaren aurrean

  Gizartea  Aretxabaleta

Aretxabaletako Durana kalea zenzen plaza bilakatu da gaur arratsaldean. Beldurrak alde batera utziz, jende ugari ibili da zezenaren aurrean eta harrapaketa txikiren bat ere ikusi ahal izan dute gerturatu direnek.

»» Ikusi argazki guztiak (30)

Kuadrillen arteko jolasak, bikain

  Gizartea  Aretxabaleta

Hamazazpi taldek hartu dute parte, gaur, bazkal ondoren egin dituzten jokoetan. Kuadrillen arteko pikeren bat tarteko, nor baino nor hobe aritu dira lehian garaile izateko asmoz. Aulkiaren jolasa, puzgarriarena eta arrautzak batak besteari pasatzea izan dira egin behar izan dituzten jokoetako batzuk.

»» Ikusi argazki guztiak (47)

Paella, herri bazkariko protagonista

  Gizartea  Aretxabaleta

Goizeko lehen orduan herriko plazan bazkaltzeko lekua hartu eta gero, eguerdian, lerro luzea osatu da Durana kalean zehar. 70 kilo arroz erabili dituzte bertan prestatu duten paella egiteko. Ogia eta edatekoa norberak eramanda, dohakoa izan da paella. Lerro amaierakoak dastatu nahaian gelditu badira ere, umore onez bildu dira familia eta kuadrillak mahaiaren bueltan.

»» Ikusi argazki guztiak (41)

Salto eta salto, gustura gazte parkean

  Gizartea  Aretxabaleta

Herriko plaza gaztetxoz bete da arratsaldean ere Aretxabaletan. Hainbat puzgarrietan gustura ari dira lagun artean jolasten. Aurten, estrainakoz, alkate eta alkate-orde txikiek izozkiak banatu dituzte.

»» Ikusi argazki guztiak (45)

Alkate txikiak, bonba japoniarrak eta buruhandiak

  Gizartea  Aretxabaleta

Xabi Antxia eta Laiba Mudassar alkate txiki eta alkate-orde txikiek eman diote egunari hasiera. Bonba japoniarrak bota eta haurren eskutik izan diren buruhandiekin ekin diote festa egunari.

»» Ikusi argazki guztiak (25)

'Baserriko porrusalda', barrez lehertzeko osagai guztiekin

  Kultura  Aramaio

Araia-Asparrengo 24. Umore Antzerki Jaialdiaren modura, azken urteetan egin izan duten moduan, Arabako hainbat herritan emanaldiak izaten ari dira abuztuan. Bada, gaur jaialdiak Oleta bisitatu du, Bapatean antzerki konpainia gasteiztarraren Baserriko Porrusalda ikuskizunarekin.

»» Ikusi argazki guztiak (34)

'The Baba Yaga' kale animazioko argazkiak

  Gizartea  Aretxabaleta

Arratsaldean eguraldia okertu eta euri tanta batzuk egin dituen arren, Durana kalean barrena ibili dira herritarrak gerria mugitu eta Mostruos de la Universal taldearekin batera dantzan.

»» Ikusi argazki guztiak (33)

Milagroko musika bandaren emanaldia

  Kultura  Aretxabaleta

Andra Mari eguna ospatzeko, Milagroko musika bandaren emanaldia izan da Durana kalean. 

»» Ikusi argazki guztiak (32)

Gaueko ikuskizun beldurgarria Aretxabaletako kaleetan

  Gizartea  Aretxabaleta

Atzo gauean, Andramaixetako lehen egunean, Efimer taldearen eskutik The dance of death kale ikuskizuna izan zen erdiguneko kaleetan zehar. Suarekin, argiekin eta eskeleto erraldoiekin, kalejira ikusgarri bezain beldurgarria egin zuten.

»» Ikusi argazki guztiak (10)

Ekitaldi xume batekin hasi dituzte jaiak Aretxabaletan

  Gizartea  Aretxabaleta

Jaiak hasi aurreko minutuetan jasotako albiste txarra tarteko, azken unean aldaketa batzuk egin eta Mikel Cresporen omenezko minutu bateko isiluneaz eman diote hasiera ekitaldiari . Ondoren, Aretxabaletako txistulari eta abesbatza taldeak Txoria txori kantua eskaini du. Ohiko pregoiaren ordez, mutilaren kamiseta jarri du udaletxeko balkoian UDAk.

»» Ikusi argazki guztiak (25)

Ur-jolasak, beroari aurre egiteko

  Gizartea  Aretxabaleta

Andramaixen bezpera egunean, gaur, urarekin freskatzeko aukera izan dute gaztetxoenek. Arlutz tabernaren atzeko kantxan jarri dute igerileku handi bat, eta gustura ibili dira jolasean.

»» Ikusi argazki guztiak (26)

Uniforme horia jantzita, Andramaixak aurreratu dituzte gazteek

  Gizartea  Aretxabaleta

Gazte Ekimenak antolatuta, txosnaguneko karpapean bazkaria egin dute, jai giroa eta beroa nagusi izan direlarik. Azken urteetan afaria egin izan badute ere, aurten eguerdira ekartzea pentsatu dute, eta hitzordu arrakastatsua izan da. Bazkalondoan, nobedade modura, jolasak egiteko asmoa daukate. 18:00etatik aurrera, berriz, mikro irekia izango da.

»» Ikusi argazki guztiak (15)

Eguraldia eskas, giroa, aldiz, jator

  Gizartea  Arrasate

San Inazio patroiaren jaiarekin batera ospatu zuten atzo Urbiako eguna. Eskualdeko lagun talde dotorea batu zen bertan, nahiz eta giroak askorik ez zuen lagundu. Hala ere, jatekoarekin eta edariarekin giro kaxkarrari buelta eman ostean, erromeriarekin eta artzain txakurren erakustaldiarekin gozatu ederra hartu zuten bertaratutakoek.

»» Ikusi argazki guztiak (12)