Atzo, zapatua, egin zuten Trukuzikin Skate Festa Bergaran, eta bailarako skate zaleek kirolaz gozatzeko egun osoko egitaraua izan zuten. Goizean bi orduko skate hastapen saioa egin zuten; ostean parrillada, eta bazkaldu eta gero juniorren eta helduen jam saioa egin zuten. Amaitzeko, X-At artistak kontzertua eman zuen.
Trukuzikin Skate Festaren antolatzaile Joxe Mari Larrañagaren esanetan, eguna "oso ondo" joan zen, nahiz eta "gustatu baino jende gutxiago" gerturatu: "Azkenean giro ederra egin digu eta gauzak pentsatu genituen bezala atera dira”. Txapelketako maila oso altua izan dela nabarmendu du Larrañagak: “Bai senior eta bai junior mailan inoizko mailarik altuena izan dute parte hartzaileek".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.