Jokoak eta jolasak gaiaren bueltan ospatu dituzte Aratusteak eskolan
2025 mar 06 Aramaio
Aratusteak martitzenean ospatu zituzten Aramaioko herri eskolan. Haur Hezkuntzako umeek goizean eskolako aterpean egin zituzten dantzak, eta, arratsaldean, Lehen Hezkuntzakoek kalejira egin zuten herrian zehar lehenengo, eta ostean, eskolako frontoian dantza ikuskizunak eskaini zituzten, jokoak eta jolasak mozorroen bueltan. Gero, Santa Ageda egunean jaso zituzten gaileta eta bestelakoekin, merienda egin zuten eskolako aterpean. (Argazkiak: Aramaioko herri eskola).
