Izarraitz Aloña Mendik gertuago dauka igoera fasea

Mireia Bikuña 2014ko mar. 9a, 19:10
Donibane aise menderatu zuen Zubikoan (26-16) eta euren esku dago Euskadiko Txapelketarako igoera fasea jokatzeko txartela eskuratzea. Bost partidu falta zaie liga txapelketako bukatzeko, eta sailkapeneko lehen hirurek jokatuko dute igoera.

Partidu borobila jokatu zuten oñatiarrek. Lehen ordu laurdena oso parekatua izan zen, eta 6-7 aurreratu zen Donibane. Jokalari handiak dituen talde beteranoa da. Hori horrela, minutuek aurrera egin ahala indarra galdu zuten. Fisikoki behera etorri ziren, eta Aloñarendako errazagoa izan zen partidua bide onetik eramatea. Atsedenean 14-10 ziren aurretik oñatiarrak. 

Lehia bideratuta, bigarrenean bide beretik jarraitu zuten. Fisikoki eta psikologikoki indartsuak direla erakutsiz, joko polita egin zuen Rafa Zuluetaren taldeak. "Sailkapenean ondo kokatu gara azken partiduei begira. Hurrengo astean liderraren kontra jokatuko dugu, eta gaur irabazita, lasaiago joango gara Irunera", esan zigun Zuluetak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak