Aloñak irabazi du Agorrosingo derbia: 0-2

Mireia Bikuña 2014ko mar. 9a, 08:56
Partidu parekatua jokatu dute Bergarak eta Aloñak, baina ate aurrean hobeto asmatu dute oñatiarrek. Lehen gola 68. minutuan sartu du Garmendiak buruz, eta bigarrena 86. minutuan Uribetxeberriak. Aloñak lehen gola sartu eta hurrengo jokaldian berdintzeko aukera garbia izan du Bergarak, baina baloia gora bota du Enekok.

Lehia gogorra jokatu dute biek ala biek Agorrosinen. Parekatua. Baloi luze askorekin. Askotan trabatuegia zelai erdian. Halakoetan, azken metroetan asmatzen duenak irabazten du, eta horixe bera gertatu da derbian. Aloñako jokalariek hobeto menderatu dute baloia azken paseetan, eta horrek eman die irabazteko aukera.

Oso bestelako boladak

Derbiko hiru puntuak poltsikoan, sendo jarraitzen du Oñatiko taldeak sailkapenean. Azken sei partiduetatik bost irabazita, 40 punturekin daude sailkapenean. Maila mantentzeko beharrezko puntuak lortuta, beste helburu batzuei helduko diete oñatiarrek.

Bergararen bolada oso bestelakoa da. Azken lau partiduetan puntu bakarra irabazi dute. Lana egitea da bolada txarrekin bukatzeko bidea.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak