FUTBOLA: 93. minutuko Antzuolako golak berdindu du Aloñaren aurkako derbia

Gola sartu nahian.
Aloña Mendi eta Antzuolako mutilen derbia bikain hasi da oñatiarren intereserako, izan ere, bigarren minutuan Aritz Garmendiak bi erremateren ostean gola egitea lortu du. 18. minutuan etorri da Oinatz Agirreren eskutik berdinketaren gola. Aloñakoak aurreratu dira gero, Iker Olalderen golarekin, eta 93. minutuan Antzuolako Julen Aranbarrik sartu du gol erabakigarria.

Aloña Mendi eta Antzuolako mutilen derbia bikain hasi da oñatiarren intereserako, izan ere, bigarren minutuan Aritz Garmendiak bi erremateren ostean gola egitea lortu du; Ibai Morenok kornerrera azkar atera dio Endika Ruizi, Ruizek erdiratu, Garmendiak buruz errematatu, Jon Iturbe atezainak gelditu, baina aldaratzean barrura sartu da baloia. Horren ostean, Antzuolako mutilak hobeto kokatu dira zelaian eta jokoaren kontrola lortu dute. 14. minutuan esaterako, antzuolarrek jaurtiketa garrantzitsua egin dute Aloñakoen atera baina Julen Agirre atezainak gelditzea lortu du. Antzuolakoen kontrol eta nagusitasun horren ostean iritsi da Oinatz Agirreren gola, buruz, atearen aho-ahoan berdinketaren gola lortu du.

Antzuolarren minuturik onenak zirenean, Estebanez epaileak euren area ertzean Aloñakoen aldeko falta adierazi du eta Iker Olaldek jaurtiketa borobil baten bidez, hesia gainditu eta 2 eta 1eko lortu du.

Azpimarratzekoa 35. minutuan Joseba Irizarrek izan duen aukera, Aritz Garmendiaren erdiratzea baliatuz  3 eta 1ekoa lortzear egon baita. Lehen zati horretako azken minutuan antzuolarrek ere berdintzeko aukera izan dute, baina Julen Agirrek, geldiketa bikaina eginez, gola saihestu du.

Lehenengo zatia, beraz, borrokatua izan da, aukera gutxikoa eta estrategia jokaldietan iritsi dira golak.

Bigarren zatia

Bigarren zatian baloiaren kontrola txandakatuz joan da, nahiz antzuolarrek baloiaren jabetza handiagoa izan duten. Antzuolarrak estrategia jokaldietan (alboko paseak, faltak, kornerrak…) Julen Agirreren atera hurbildu badira ere, ez da aukera garbi-garbirik izan ez area batean, ez bestean.

Partida txantxikuarren garaipenarekin bukatuko zela zirudienean, 93. minutuan iritsi da gol erabakigarria. Julen Aranbarrik Aloñakoen atezainak aldendutako baloia hartu eta izugarrizko jaurtiketarekin 2 eta 2koa lortu du. Gol horrek oñatiarren bolada ona hautsi du eta azken minutura arte intentsitate handia izan da bai zelaian, eta baita harmailetan ere.

Erlazionatuak

Kirola asteburuan

Kirola

FUTBOLA: Tentsio bako partidua galdu zuen Mondrak

Arrasate

Mondra ez zen ondo hasi Mutrikuren aurka, eta berandu erreakzionatu zuen; saiatu zen, baina "buru barik", Jon Zabaleta jokalariaren arabera. Bukaer...
FUTBOLA: Aretxabaletak ontzat eman du Berioren aurkako 1-1 emaitza

Aretxabaleta

Ligako 'oilarren' arteko aurrez aurrekoa 1-1 emaitzarekin bukatu zen. 1. zatian, Beñat Etxabe kaleratu zuen epaileak eta hortik aurrera jokalariek ...
ESKUBALOIA: Partidu txarra eta porrota, Soraluce BKEk

Bergara

Oso partidu txarra egin eta gero, 34-28 galdu zuen Soraluce BKEk egubakoitzean Gure Auzune taldearen aurkako konpromisoa. Josetxo Muniategik diosku...
ARETO FUTBOLA: Eskoriatzak eta Aretxabaletak, biek irabazi egin dute

Aretxabaleta Eskoriatza

Eskoriatzarrek Euskadiko txapelketan eta aretxabaletarrek Gipuzkoako 1. mailan, biek irabazi dituzte aste bukaerako partiduak.
SASKIBALOIA: Natra Oñati egurra jasota itzuli da Bilbotik

Oñati

Itxura batean partidu parekatu samarra izango zela zirudien Hotel Gran Bilbaoren kontrakoak, sailkapenean puntuz berdinduta baitzeuden bi taldeak, ...
PILOTA: Harrobiko pilotariek urrutira ailegatzeko behar dena daukatela erakutsi dute

Infantil eta senior mailako hainbat partidu jokatu dira egunotan, eta harrobiko pilotari debagoiendarrek maila eta joko ona erakutsi dute.
ESKUBALOIA: Soraluce BKE, denboraldia bukatzeko desiratzen

Bergara

Oso partidu txarra egin eta gero, 34-28 galdu zuen Soraluce BKEk egubakoitzean Gure Auzune taldearen aurkako konpromisoa. Josetxo Muniategik diosku...
SASKIBALOIA: Eskoriatzako neskek irabazi egin dute

Eskoriatza

Egubakoitzean jokatu zuten etxean Eskoriatzako neskek Beasaingo Arri BKL-ren kontra. Norgehiagoka parekatua izan zen eta azkenean etxean geratu zir...
SASKIBALOIA: MUk bigarren postua sendotu du, Padurari 80 eta 97 irabazita

Arrasate

Arrigorriagako Paduraren kantxan jokatu zuen atzo, domeka, MUk. Lehenengo zatian sufritu arren bigarren zatian jokua berreskuratu zuten eta partidu...
ESKUBALOIA: Berdinketarekin eta helburuak beteta amaitu du aurtengoa Ford Mugarrik

Arrasate

Bukatu da denboraldia Ford Mugarrirendako, eta, hasieran zeuzkaten helburuak beteta, gustura deskantsatzeko eta indarberritzeko parada izango dute....
IGERIKETA: Beti Bustikoak, primeran Eskola Kiroleko Infantilen txapelketan

Bergara

Zapatu goizean, Labegaraietan jokatu zen Eskola Kiroleko Infantilen txapelketa, Beti Bustik antolatuta. Klubeko neska-mutikoek, denak 2000. urtekoa...
PILOTA: Rezustak Promozioko finala jokatuko du, zapatuan irabazi ondoren

Bergara

Beñat Rezusta bergararrak eta Erik Jakak osatzen duten bikotea sailkatu egin da Promozioko Txapelketako finala jokatzeko, atzo, zapatua, Victor Est...
FUTBOLA: Gazte mailan, Aloñak 0-3 galdu du Mondraren kontra

Arrasate Oñati

Partidu borrokatua jokatu dute Aloñak eta Mondrak. Lana gogotik egin ostean, baina, Julen Valle eta Mikel Aizpuruaren golak etorri dira lehen zatia...
SASKIBALOIA: Bergarak eraman du derbia, 50-48 irabazita

Bergara Oñati

Arratsaldean jokatu da Bergarako Labegaraieta kiroldegian Soraluce Bergara eta Aloña Mendiren arteko Gipuzkoako Txapelketako derbia. Partidua oso p...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.