Bergaran, Talentuen Txapelketako partiduak jokatu zituzten eta hauek izan ziren emaitzak: Orbegozo (Añorga)-Murua (Arrasate): 18-12; Iriarte (Illunpe)-Baztarrika (Lazkao): 18-1; Morales (Aurrera Saiaz)-Etxaniz (Bergara): 13-18; Zubeldia (Zazpi Iturri)-Sein (Oiarpe): 18-5. Reyes Azkoitiak balorazio hau egin du: "Orbegozo eta Muruaren arteko partidua oso polita eta borrokatua izan da; luzea eta orekatua. Morales eta Etxanizen partidua ere ona eta berdindua izan da; Etxanizek oso ondo jokatu du, bukatzen ere asmatuz; eta Zubeldia eta Sein, biak fisikoki oso indartsuak dira eta borroka handia egon da hor ere".
Arrasaten, Llodiok 18-10 irabazi zion Etxezarretari (Atxurbide). Ibai Bolinaga arduradunak hauxe azpimarratu du: "Aukerak dituzte urrutira heltzeko".
Oñatin, Legazpiren aurka erraz (18-7) irabazi zuten Aloña Mendiko infantilek partidu bakarrean. Normalean egubakoitzean jokatzen den partidua oraingoan domekan jokatu da, Txantxiku Ikastolako jaialdia dela-eta.
