Aloña Mendikoak pozik, saskibaloi egunean jaso zuten babesagatik

Saskibaloi eguna Foruen plazan.
Saskibaloi eguna ospatu zuten zapatuan Oñatin Aloña Mendikoek. Bigarren urtea izan da, eta pixkanaka oñatiarren artean saskibaloiaren zaletasuna gora doala argi geratu zen.

Goizez Foruen plazan jarri zituzten bi saskietan, eta arratsaldez Zubikoako kantxa urdinean, neska-mutikoak saskibaloian jokatzen ibili ziren gustura asko. Goizean, hiruko txapelketa egin zuten gazteek, eta batek baino gehiagok detaile politak utzi zituen inprobisaturiko kantxan.
Eguerdi partean gainera, Foruen plazara gerturatu zirenentzat sahieskiak prestatu zituzten Natrako jokalariek. Horrez gain, laguntzaileek emandako otarrak zozketatu zituzten; guztia saskibaloia kalera atera eta gozatzeko.

Saskibaloi kanpusa

Hala ere, zapatukoa, saskibaloia protagonista izan duen asteari amaiera paregabea emateko aitzakia izan zen. Eguaztenean hasi eta egubakoitzera arte, saskibaloi kanpusa egin zuten Aloña Mendikoek. Lehenengo egunean kaskar hasi bazen ere, bost pertsona agertu ziren; hurrengo egunetan neska-mutiko gehiago animatu ziren.
Guztira 40tik gora, saskibaloi eskolan dabiltzan 30 bat eta beste dozena bat gaztek saskibaloiaz gozatu zuten, besteak beste Asier De La Iglesia, Natrako jokalaria, monitore zutela.

Erlazionatuak

Sei mendate Aspanogiren alde

Kirola

Zeruari begira hasi zuten atzo Aspanogi 6+3 martxa zikloturista. Izan ere, txirrindulari eta antolatzaileak eguraldiaren beldur zeudela aitortu zut...
Ander Agirre, Gipuzkoako duatloi txapelduna

Arrasate Bergara

Antxintxika Servimasa taldeko korrikalariak Eibarko duatloia irabazi zuen zapatuan. Esprint modalitateko Gipuzkoako txapelketa irabazi zuen bergara...
Partidu txarra jokatuta, igoera faseko lehen garaipena lortu zuen Aloña Mendik (32-29)

Oñati

Hirugarrenean lortu zuten garaipena Rafa Zuluetaren mutilek. Eibarko Haritza eskola taldeak bisitatu zuen zapatu arratsaldean Zubikoa, eta etxekoek...
Aloñako gimnastek erakustaldia egin zuten Illunben

Oñati

Gipuzkoa Basketek eta CAI Zaragozak jokatutako partiduan egin dute erakustaldia. Hain justu ere, atsedenaldian eta entrenatzaileek hutsarteak eskat...
Arrabol gaineko sprint lehiaketa gogorrak gaztelekua bete zuen

Oñati

Bi lehiakide, bizikleta bana, arrabolak, zangoak eta publikoaren txaloak. Aurretik baina 500 metro eta marka guztia apurtzeko gogoak. The Gold Spri...
Emaitza onak Espainiako kempo txapelketan

Debagoiena

Emaitza ikusgarriak lortu dituzte gureko ordezkariek aste bukaeran jokatutako Espainiako kempo txapelketan. Domina ugarirekin itzuli dira, lan bika...
EBA mailarako txartela lortzeko beste urrats bat eman zuten MUkoek etxean irabazi ostean (78-66)

Arrasate

Azken boladan, sailkapenean azkenengo postuetan dauden taldeekin jokatzen, behar baino gehiago sufritzen dute MUko mutilek, eta zapatuan ere, hala ...
Beñat Rezusta, txapeldun

Bergara

Bergararrak 22-4 irabazi du Erik Jakarekin bikote eginez Binakako Promozio Txapelketako finala, Iruñako Labriten. Gipuzkoarrek Gorka-Merino I bikot...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.