Zapatu arratsaldean Oñatiko gaztelekua jendez bete zen eta 38 kementsuk onartu zuten zirudiena baino gogorragoa zen sprinta egiteko desafioa. Guztietan bizkorrena Jon Ander Arakama beasaindarra izan zen.
Lehen faseko 16 denbora onenak ligaxkara pasa ziren eta bigarren fasean hasi ziren kanporaketak. Frogak iraun zuen hiru orduetan 34 desafio egin ziren, finalekoa gainera, kilometro batekoa izan zen.
Guztia etxekoa
Sariak Beasainera ihes egin bazuen ere, froga 100% oñatiarra zen. Kantoikrit taldeko kideekin batera, herriko jende askok lagundu baitzuen froga prestatzen. Aipatzekoa froga kudeatzen laguntzeko diseinatutako softwarea.
Zozketako irabazleak
III. Kantoikrit froga aurrera ateratzen laguntzeko zozketa ere egin zuten, eta lehen bi saridunek, zapatuan bertan jaso zuten saria. Hirugarren sariduna 1016 zenbakia izan zen, eta txartelaren jabeak, bere saria eskuratzeko, kantoikrit@kantoikrit.com helbidera idatzi bidali beharko du.
