Kinttoen bisita Luis Ezeiza Herri Eskolan

Kinttoen bisita Luis Ezeiza Herri Eskolan

Erabiltzailearen aurpegia Pasa den astelehenean, Santa Ageda egunean, Kinttoen bisita izan genuen Luis Ezeiza Herri Eskolan. Patioan elkartu ginen Lehen Hezkutzako ikasle eta irakasle guztiak bertaratu ziren Kinttoen abestiak entzutera. Haur Hezkuntzako ikasle eta irakasleek pasa den ostiralean izan zuten Kinttoen bisita. Eskerrikasko gaztiak!!!!

Ate irekiak Luis Ezeiza Herri eskolan

Ate irekiak Luis Ezeiza Herri eskolan

Erabiltzailearen aurpegia Datorren urtarrilaren 26an Eskoriatzako Luis Ezeiza Herri Eskolan Ate Irekiak egingo dira. Arratsaldeko 17:30etan informazioa eta eskola ezagutzeko aukera egongo da bertara hurbiltzen diren guztientzat eta ondoren, 18:00etan "Potx eta Lotx" pailazoen emanaldia izango da. Hau guztia Haur Hezkuntzako eraikuntzan izango da (herriko liburutegi ondoan dagoen eraikuntzan). Etorri gu ezagutzera!!!!

GURASOEKIN TOPAKETA

GURASOEKIN TOPAKETA

Erabiltzailearen aurpegia Urtarrilaren 17an, asteazkenean, 18:00etan eskolako gurasoekin topaketa bat egingo dugu. Bertan, Mondragon Unibertsitateko HUHEZI Fakultateko ikertzaile talde batek Luis Ezeiza eskolan aniztasuna lantzeko proposatutako "ESKOLA KOMUNITATEAK BEREN JARRERA ETA PRAKTIKAK AZTERTZEN: ANIZTASUN SOZIOEKONOMIKOA, KULTURALA ETA LINGUISTIKOA" proiektuan, guraso batzuekin egindako elkarrizketetatik aterarako informazioa partekatuko dugu. Proiektu honetan eurekin batera irakasleak, ikasleak eta gurasoak parte hartzen ari gara.

Mari Domingi eta Olentzeroren bisita

Mari Domingi eta Olentzeroren bisita

Erabiltzailearen aurpegia Abenduaren 21ean Luis Ezeiza Herri Eskolan Mari Domingiren eta Olentzeroren bisita izan genuen. Haur Hezkuntzako eraikinean elkartu ginen 2 urtetik hasi eta 2.mailara arteko ikasleak, Tximeleta gelakoak barne. Hainbat abesti abestu genizkien eta Mari Domingik eta Olentzerok opariak banatu zituzten eskolarako. Bukatzeko, beste abesti batzuk abestu eta beraiekin berriketaldi bat egin ostean,pozez eta emozioz beterik, datorren urtera arte agurtu genituen Mari Domingi eta Olentzero.

Azaroak 25, genero indarkeriaren aurkako eguna.

Azaroak 25, genero indarkeriaren aurkako eguna.

Erabiltzailearen aurpegia Aurtengo azaroaren 25aren egunaren harira, ekintza puntuala egin baino, urteko lana egitea erabaki dugu.Horretarako, iaz hasitako bideari jarraipena emango diogu: iazko "tratu onen alde"-ko gutunontziak ipinita jarraitzen dute eskolan eta "tratu onen alde"-ko bidean jarraituko dugu, baina aurrerapausu bat eman nahi dugu: gutunontzien bidez anonimotasuna gordetzen jarraitzearekin bat "Ausarten kluba" martxan jarri da eta aurpegia emango dugu. "Ausarten kluba" biolentziaren aurka dauden pertsonek osatuko dute, biolentzia salatzen dutenak, tratu onak ematen dituztenak eta adiskidetasuna, lagun izatea baloratzen dutenak. Honen helburua portaera bortitzei prestigioa kentzea eta arazoak konpontzeko era baketsuari indarra ematea izango da. Ikasleei erakutsi nahi zaie biktimari protagonismoa eta babesa eman behar zaiola eta jokaera bortitzak edo errespetu gabekoak dituztenak baztertuko direla jokaera hori mantentzen duen/duten bitartean. "0 biolentzia 0 urtetik aurrera" ideia argi izan nahi dugu.

Indarkeriarik ez!!

Indarkeriarik ez!!

Erabiltzailearen aurpegia   Gizartea

Irungo Aspaceko langile batek aste hontan jasandako erasoa salatzeko, 5 minutuko kontzentrazioa burutu dugu Eskoriatzako Luis Ezeiza Herri Eskolan, bertako Aspaceko Tximeleta gelakoak deituta. Goizeko 11:00etan egin dugu elkarretaratzea eta inolako indarkeriarik onartzen ez dugula salatu dugu.

HAUR MASAJEA

HAUR MASAJEA

Erabiltzailearen aurpegia Urriaren 23, 25, 30 eta azaroaren 2an, 17:30ean, Haur Hezkuntzako eraikuntzan zuen txikiarekin batera hazkunde goxoa bideratzen duen esperientzia bizitzeko aukera izango duzue. Izena emateko, 943714938 telefonora deitu.

Mobilizazioak

Mobilizazioak

Erabiltzailearen aurpegia Datorren maiatzaren 16an eta 23an greba egingo dugu Luis Ezeiza Herri eskolan. Greba egun hauen aurretik, hainbat mobilizazio ere egiten aritu gara astelehen eta ostiral goizetan. Bertan, hezkuntzak azken urteetan egin dituen eta egiten jarraitzen dituen murrizketen kontra azaldu gara; hala nola, ordezkapenak lehen egunetik ez burutzea, jubilaziorako erraztazunak murriztea, behin betikotasun lanpostu eskasia... Honekin batera, Lomce eta Heziberri hezkuntza legeen aurka ere azaltzen gara. Honegatik guztiagatik, Luis Ezeiza Herri eskola, grebara!

Hezkuntzaren astea

Hezkuntzaren astea

Erabiltzailearen aurpegia Maiatzaren 2tik 5era bitartean, Hezkuntzaren Astea ospatu genuen Luis Ezeiza Herri Eskolako ikasle, irakasle zein gurasoek. Astean zehar, munduko haur ezberdinek eskolara joateko dituzten zailtasunez jabetu ginen eta kartelak egin genituen Eskoriatzan zehar jarriz "Munduko haur guztiek eskolara joateko eskubidea" dutela aldarrikatuz. Horretaz aparte, asteazkenean, 6. mailakoek Elmer ipuin musikatua eskeini zuten eta honen ostean, liburuen zozketa egin zen. Asteari amaiera emateko, ostiral goizean, guraso ezberdinak, beraien hizkuntzatan ipuinak kontatzen aritu ziren eskolako maila ezberdinetan; eta eguna (eta baita astea ere) borobiltzeko, "Familien eguna" ospatu genuen ostiral arratsaldean. Ziklo eta mailaka abesti ezberdinak hainbat hizkuntzatan abestu genituen, hala nola: portugesez, ingelesez, urduz, galegoz, katalanez, arabieraz, gazteleraz, euskaraz... Abestien ostean, familia ezberdinek ekarritako lurralde ezberdinetako jakiak jateko aukera izan genuen. Aste borobila benetan!!!

Luis Ezeiza Herri Eskola Korrikan!!

Luis Ezeiza Herri Eskola Korrikan!!

Erabiltzailearen aurpegia Larunbatean, eguerdiko 14:22etan, jende mordoxka elkartu ginen Kuatruena inguruan Luis Ezeiza Herri Eskolaren Korrikako kilometroa egiteko. Bertan ginen guraso, ikasle zein irakasleok giro zoragarrian egin genuen bat Korrikarekin. Luis Ezeizan ere euskararen alde!!!!