ALBISTEAK

Gorenak baimendu egin du EAEn 'Covid Ziurtagiri Digitala' eskatzea

Fiskaltzak atzo aurkeztutako txostenaren bidetik, Espainiako Auzitegi Gorenak onartu egin du EAEn Covid Ziurtagiri Digitalaren erabilera ezartzeko Eusko Jaurlaritzak jarritako helegitea. Ziurtagiria eskatzea "egokia, beharrezkoa eta proportziozko neurri bat" dela argudiatu du administrazio-auzietarako aretoak.

Zortzi egun igaro dira EAEko Justizia Auzitegi Nagusiak Eusko Jaurlaritzari Covid Ziurtagiri Digitala aurkezteko beharra ezartzeko eskaera ukatu zionetik; orduan, oinarrizko eskubideak urratzen zituela adierazi zuen erkidegoko justizia areto nagusiak. Bada, pasa den eguenean jarritako helegitea tarteko, eta fiskaltzak atzo bertan argitaratutako txostena oinarri, Espainiako Auzitegi Gorenak onartu egin du EAEn ziurtagiriaren erabilera.

Gaur eguerdian eman du jakitera Goreneko hirugarren aretoak erabakia, eta helegitea onartzea erabaki du, ziurtagiria eskatzea "egokia, beharrezkoa eta proportziozko neurri bat" dela argudiatuta. Irailaren 14ko Galiziako Covid Ziurtagiriaren 1112/21 epaia hartu du oinarritzat.

Erabilera esparruak

Eusko Jaurlaritzak EAEko Justizia Auzitegi Nagusiari eskaera egitean, ziurtagiria 150etik gorako intzidentzia-tasa duten udalerrietako zenbait jardueratan eskatzea zuen helburu; zehazki, 50 pertsonatik gorako jatetxeetan zein diskoteka, dantzaleku, musika taberna eta karaokeetan. Paperean edo formatu digitalean aurkeztuta, establezimenduen jabeen ardura izango litzateke bezeroek dokumentua badutela ziurtatzea.

Erlazionatuak

Osasun larrialdi egoera aktibatzeko asmoa du Eusko Jaurlaritzak

Debagoiena

Gaur goizean Eusko Jaurlaritzako Gobernu Kontseiluak hartutako erabakia eman du jakitera Gotzone Sagardui Osasun sailburuak: Auzitegi Gorenaren era...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.