50. Azoka, "borobila"

Julen Iriondo 2015ko abe. 8a, 15:20

Gaur du Durangoko Azokak azken eguna eta goizean egin dute antolatzaileek 50. edizio honen balorazioa. "Ederra", "borobila" izan dela adierazi dute: "Sortzaileen eskaintza aldetik ugaria", "ekoizpenean aberatsa" eta "mamitsua gogoeta arloan".

120.000 bisita Landakon, 30.000 bisitari webgunean, 250 ekitaldi, 350 nobedade, 190 sinadura…

Gune guztiek emandakoarekin agertu dira pozik, eta Ahotseneako solasaldi gunea Landako barrura aldatu izana bezalako erabakiekin ere bai, adibidez.

Disko salmentari dagokionez, kasu gehienetan gora egin duela adierazi du Musika Industriaren Elkarteko koordinatzaileak. Euskal Editoreen Elkarteko ordezkari Xabier Olarra, berriz, gustura, "urteroko harrera ona" izan duelako Azokak. Dena den, euskal enpresa handien babesletza eskatu eta desio anbiziotsuak agertu ditu Olarrak.

Gerediaga elkarteko Nerea Mujikak, bestalde, aurrera begira jarrita, belaunaldi berriak kultura zaletasunaren, sorkuntzaren eta eragiletzaren ardatzean kokatzeko zeregina azpimarratu du.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak