"Etorkizun duina" eskatu dute Candy-Hooverreko langileek protestan

Elkarretaratzea egin zuten atzo arratsaldean Candy-ko  langileek Bergarako lantegia "likidatuta" dagoela salatzeko. Protestekin jarraituko dute euren kezken eta egoeraren berri emateko.

Candy-Groupeko arduradunen erabaki ofizialaren berri segitu arren, Bergarako fabrikako langileek atzera ere kalera irtetea erabaki dute, euren kezkaren eta egoera larriaren berri emateko. ESK, LAB, ELA, CCOO eta UGT sindikatuek osatutako enpresa batzordeak deituta hasi dira elkarretaratzeak egiten, Bergaran. Izan ere, duten pentsamendua da Bergarako fabrika "likidatuta" dagoela.

Proiektu barik, oraingoz

"Candyko ordezkariak Italian egon dira (taldearen zentralean), eta baita Eusko Jaurlaritzarekin ere, eta ez dute inolako proiekturik ekarri. Horrek pentsarazten digu Bergarako fabrika hilda dagoela. Datozen 15 egunotan iritsiko da Italiako erantzuna, baina uste dugu likidatuta dagoela, nahiz eta guk irtenbidearen zain segi. 2014ko jarduna bukatzeko bi hilabete falta dira, eta ez dugu lana izateko inolako bermerik. Aurrekontua lantzen dutenean, urtero egiten dute ahaleginen bat kostuen jaitsiera hobetzeko. 2015ari begira egindako aurrekontuan, berriz, ez dute zentzu horretan ahaleginik egin. Eta horrek pentsarazten digu erabakia hartuta dagoela: ez diotela etorkizunik ematen", esplikatu dute enpresa batzordetik.  

Etorkizuna ikusten diote

Ez diotela etorkizuna ematen esaldia erabili dute enpresa batzordetik; izan ere, Bergarako langileek bai ikusten diote etorkizuna. "Uste dugu izan lezakeela etorkizuna. Elementu asko daude garbigailuen produkzioaren kostean eragiten dutenak. Adibidez, soldaten eragina da %19, hori txikia da. Baina beste kontu bat da, adibidez, produzitze denborak… edozein modutan, ez dute interesik erakutsi", esan dute etsipenez batzordetik.

Txinaren beldur

Abiarazi dituzten protestetan, bestalde, Candyko langileek gogora ekarri dute "egoera tamalgarria" bizitzen dabiltzala. Adibide moduan azpimarratu dute bi urtean 300 langileko taldea erdira jaitsi dela. "Horretaz gain, bost urte daramatzagu EREarekin, soldata eta etorkizuneko langabezi prestazioan duen eraginarekin", gehitu dute.

Baina talde multinazionalak Txinan dituen plantek beldurtzen dituzte, batez ere, bergararrak. Are gehiago, kontuan hartuta orokorrean sektorea bera krisi sakonean dagoela: "Kezkagarriena zera da, Bergaran egiten ditugun garbigailu berberak Txinan egiten ari direla eta, bide batez, lehendik lur jota dagoen europear merkatua saturatzen. Horregatik Candy Hoover taldeari gure etorkizuna azaldu dezan eskatzen diogu eta bide batez Bergarako lantegia eta bertako lanpostuak bermatuko dituen plan bat aurkeztea", eskatu diote Italian egoitza duen multinazionalari.

Erlazionatuak

Candy-Hooverren itxierak atsekabea eta kezka sortu du langileen eta herritarren artean

Bergara

Candy-Hoover lantegiko langileek eta herritarrek bat egin zuten atzo iluntzean Bergarako kaleetan. Manifestazioa egin zuten Enpleguaren alde, deslo...
Candy-Hooverreko langileak enpresaren jarrerarekin "engainatuta"

Bergara

Egun erabakigarria izan da gaurkoa Bergarako Candy-Hoover enpresako langileentzat. Roberto Roncalli Candy-Hoover taldeko giza baliabideetako zuzend...
Bergarako Udalak kezka adierazi du "Bergarako ehun industriala jasaten ari den galerarengatik"

Bergara

Bergarako Udalbatza osatzen duten alderdi guztiek (Bildu, EAJ, Aralar eta PSE-EE) aho batez onartu dute Candy-ren itxieraren gaineko adierazpen ins...
Bergarako EH Bilduk elkartasuna adierazi die Candy-ko langileei

Bergara

Bergarako EH Bilduk "saminez" bizi du Candy-ko langileen egoera eta "kapitalismo neolibera" jo du Bergarako enpresa ixtearen erantzule. "Indarrean ...
Produkzio kostu handiak, "lehiakortasunik eza" eta salmenten murrizketa, itxieraren arrazoiak

Bergara

Candy-Hoover taldeko zuzendaritzak aditzera eman ditu, prentsa ohar bidez, Bergarako lantegiaren itxieraren arrazoiak.
Bergarako Candy-Hoover itxita, 152 langile kalera

Bergara

Konfirmatu da. Langileen artean atzotik bolo-bolo zebilena egiaztatu du gaur Candy-Hoover taldeko giza baliabideetako arduradunak, Roberto Roncalli...
Bergarako Candy-Hoover itxi egingo dutela komunikatuko zaiela espero dute langileek

Bergara

Bergarako Candy-Hooverreko langileek egun erabakigarria dute gaur, eguena. Roberto Roncalli Candy-Hoover taldeko giza baliabideetako zuzendariaren ...
Bergarako Candy-Hooverren plantaren etorkizunarekin arduratuta

Bergara

Bergarako Candy-Hoover enpresako langileek Bergarako plantaren etorkizunarekiko kezka kaleratu dute. Produkzioaren jaitsiera nabarmenak, duten ia l...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.