Candy-Hooverren itxierak atsekabea eta kezka sortu du langileen eta herritarren artean

Candy-Hoover lantegiko langileek eta herritarrek bat egin zuten atzo iluntzean Bergarako kaleetan. Manifestazioa egin zuten Enpleguaren alde, deslokalizaziorik ez. Candy ez itxi! lelopean eta 600 lagunetik gora elkartu ziren. Kezka eta etsipena ziren nagusi, baina langile batzordeko kideek jakinarazi zieten borrokan jarraituko dutela.

Tristura zen nagusi atzo iluntzean Bergarako kaleetan; tristura, kezka eta etsipena. Manifestazioa deitu zuten Candy-Hooverreko langileek, lantegia itxi egingo zutela jakin zuten egunean bertan. Enpleguaren alde, deslokalizaziorik ez. Candy ez itxi! lelopean herritar askok egin zuten bat langileekin eta haien senideekin; baita Udal ordezkariek ere, horien artean Jaione Isazelaia alkatea.

San Martin plazatik abiatu zen manifestazioa. Candy ez itxi oihuak entzun ziren kaleetan zehar egindako ibilbidean, baina isiltasuna eta aurpegi ilunak ziren nagusi elkartutakoen artean. Kezkatuta zeuden guztiak, batez ere langileak.

Kalean geratuko diren 150 langileekin bat egin zuten herritarrek, eta horiek ere oso kezkatuta agertu ziren Bergaran bizi duten egoerarekin.

Borrokan jarraitzeko asmoa

Langileen ordezkariek jakinarazi zuten bukaeran Bergarako Udaleko eta Gipuzkoako Diputazioko ordezkariekin batzartuko direla. Eta, gaineratu zuten zuzendaritza "gogor" etorri den moduan, langileak ere gogor negoziatuko dutela  eta borrokan jarraitu.

Erlazionatuak

Candy-Hooverreko langileak enpresaren jarrerarekin "engainatuta"

Bergara

Egun erabakigarria izan da gaurkoa Bergarako Candy-Hoover enpresako langileentzat. Roberto Roncalli Candy-Hoover taldeko giza baliabideetako zuzend...
Bergarako Udalak kezka adierazi du "Bergarako ehun industriala jasaten ari den galerarengatik"

Bergara

Bergarako Udalbatza osatzen duten alderdi guztiek (Bildu, EAJ, Aralar eta PSE-EE) aho batez onartu dute Candy-ren itxieraren gaineko adierazpen ins...
Bergarako EH Bilduk elkartasuna adierazi die Candy-ko langileei

Bergara

Bergarako EH Bilduk "saminez" bizi du Candy-ko langileen egoera eta "kapitalismo neolibera" jo du Bergarako enpresa ixtearen erantzule. "Indarrean ...
Produkzio kostu handiak, "lehiakortasunik eza" eta salmenten murrizketa, itxieraren arrazoiak

Bergara

Candy-Hoover taldeko zuzendaritzak aditzera eman ditu, prentsa ohar bidez, Bergarako lantegiaren itxieraren arrazoiak.
Bergarako Candy-Hoover itxita, 152 langile kalera

Bergara

Konfirmatu da. Langileen artean atzotik bolo-bolo zebilena egiaztatu du gaur Candy-Hoover taldeko giza baliabideetako arduradunak, Roberto Roncalli...
Bergarako Candy-Hoover itxi egingo dutela komunikatuko zaiela espero dute langileek

Bergara

Bergarako Candy-Hooverreko langileek egun erabakigarria dute gaur, eguena. Roberto Roncalli Candy-Hoover taldeko giza baliabideetako zuzendariaren ...
"Etorkizun duina" eskatu dute Candy-Hooverreko langileek protestan

Bergara

Elkarretaratzea egin zuten atzo arratsaldean Candy-ko  langileek Bergarako lantegia "likidatuta" dagoela salatzeko. Protestekin jarraituko dut...
Bergarako Candy-Hooverren plantaren etorkizunarekin arduratuta

Bergara

Bergarako Candy-Hoover enpresako langileek Bergarako plantaren etorkizunarekiko kezka kaleratu dute. Produkzioaren jaitsiera nabarmenak, duten ia l...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.