Asteazkena, ekainak 4

11:00

“eMAkumeak protagonista” jardunaldia

2015.urtetik, Miguel Altuna Lanbide Heziketa Ikastetxe Integratuan emakumeak industriara gerturatzeko helburuarekin hamaika ekimen burutu ditugu. Poliki-poliki bada ere, egindako lanak fruituak ematen ari dira.2024-2025 ikasturtean, STEAM arloko ikasketak egiten ari diren emakumeen kopurua inoiz baino altuagoa da: 97 emakume, ikasleen ia %20ra iritsiz. Orain arte egindako bideari eta aurrera begira dugunari harrotasunez helduz, geldialditxo bat egin nahi dugu gure bidelagun diren emakumeei aitortza eta eskerrak emateko.Ziur gaude emakume hauek hautatu duten bidea oso baliagarria izango dela beste emakume askorentzat ere. 2024-2025 ikasturtean, Miguel Altuna LHIIko beste kolektibo aipagarri bat emakumezko irakasle industrialena da. 22 irakasle ditugu, eta haiei ere eskerrak eman nahi dizkiegu, bere garaian ikasketa hauek aukeratu eta gaur egungo ikasleen inspirazio-iturri bihurtu direlako. Guzti hau ospatzeko, ekainaren 4an Miguel Altunan ekitaldia egingo dugu.

16:30

20:30

Odol-ateratzeak

Odol emaileen elkarteak urteko odol-ateratzeak iragarri ditu. Hitzordua hartzeko www.gotatanta.eus.

17:00

19:00

Erronka demografikoa herri txikietan

Nola adostu herri txikien etorkizuna erronka demografikoaren aurrean izeneko saioa, Sastiñan, 17:00etan. Herritar guztiei zabalik. Debagoiena 2030etik bigarren urtez antolatutako Iraunkortasunari hamaika begirada programaren barruan.

17:00

'Produktu erotikoak ezagutzen' tuppersex ikastaroa

Jabetze Eskolak antolatutako tailer ez misto horren helburua izango da norberaren anatomia ezagutzea, aurreiritziak alboratzea eta produktu erotikoetara gerturatzea. Idoia Sanchez Garcia hilekoan espezializatutako erizainak (Xarma) gidatuko du eta alderdi praktikoa izango da tailerraren muina, materialak probatuz eta ukituz.

17:30

18:30

Azalerako ipuinak

Bueltan dira Saroa Bikandiren Azalerako ipuinak; 0-2 urteko txikitxoenendako eta laguntzera datozen helduendako antolatutako ipuin, kantu, laztan eta jolas saioak. Maiatzaren 21ean eta ekainaren 4an izango dira aurten, 17:30tik 18:30era. Edukiera mugatua dela-eta zabalik da izen-ematea liburutegian. Saioak doan dira.

18:00

Musika Astea

Alaiak Kantuan taldearen emanaldia eta kantu-jira.

18:00

Literatura solasaldia: 'Poeta chileno'

Alejandro Zambra idazle txiletarraren Poeta chileno liburua izango dute hizpide Monica Leiva kazetari eta idazleak gidatuta.

18:30

Harrera elkartean hitzaldia

Elkarteak esku artean dituen eginkizunak azalduko dituzte. Dispertsioa amaitu denetik, aldatu egin da presoen, iheslarien eta erbesteratu politikoen egoera.

18:30

20:00

Pantailak eta haurrak: Chromebook-ekin elkarbizitza

Altxa Burua taldeak antolatuta, Chromebook-aren inguruko hitzaldia egingo du Telmo Lazkano dibulgatzaileak. Izena aldez aurretik eman behar da, hemen.

18:30

Babesgune klimatikoen aurkezpena

San Joxepe elkartean beroaldien aurkako babeslekuen plana aurkeztuko du Bergarako Udalak San Joxepe egoitzan. Jose Ramon Bardeci (Osasun Zentroa) eta Zihortza Marzan (zinegotzia) izango dira aurkezpeneko hizlariak. Deialdia irekia eta jende guztiarentzat da.

19:00

20:00

Kiki eta Koko pailazoak

Txondatatxondan dibertsioa eta jai ikuskizun berria egingo dute Kiki eta Koko pailazo ezagunek umeendako. 7x7 kultura kalean ekimenaren baitako ekitaldia da.

10:00

Haurren danborradarako izen-ematea

Irailaren 20an egingo da aurtengo jaietako haurren danborrada. 2016an eta 2017an jaiotakoek hartuko dute parte eta izena emateko epea zabaldik dago ekainaren 10era arte. Danborra jotzen atera nahi dutenek, formulario hau bete behar dute. Gastadore gisa parte hartu nahi dutenek, aldiz, beste hau bete beharko dute. 

10:00

C1 maila prestatzeko ikastarorako izena emateko epea

C1 ikastaroaren data: ekainaren 23tik uztailaren 18ra.  Ordutegia: 8:30-13:00. Ordu kopurua: 80. Ikastaroaren helburua HABEko iraileko deialdiko azterketa itxira joateko prestatzea da. Izena emateko datak: ekainaren 2tik 17ra, udal euskaltegian, Eltzian.

18:00

Matilde Sainz Osinagaren erakusketa

Matilde Sainz Osinaga margolari arrasatearraren akuarela lanak ikusgai.