Asteazkena, otsailak 5

09:00

Santa Ageda kantuan kalerik kale

2001ean jaiotako gazteek kalerik kale jardungo dute Santa Ageda koplak kantuan eta eskean. Iluntzean, 19:00etan, urteroko ohiturari jarraituz, lehen dantza saioa egingo dute Herriko Plazan.

09:30

'Zure talentua erakutsi' tailerra

Debagoieneko Enplegu Azokara begira Mankomunitateak tailerra antolatu du norbere burua enpresaren aurrean aurkezteko klabeak erakusteko. Tailerrean parte hartzeko aurrez eman behar da izena: www.debagoiena.eus/enpleguazoka edo 943 79 30 90 telefono zenbakira deituz (Zuriñe, Naiara, Olaia).

18:00

Musika eta ahalduntzea

Jabetze Eskola egitasmoaren baitan antolatutako ikastaro hau, otsailaren 5ean hasiko da. Guztira 14 saio izango ditu ikastaroak, asteazkenetan izango direnak, 18:00etatik 20:00etara bitartean. Ikastaro honen bitartez, gerturatuko gara sormenera eta, zehazki, musikara. Alde batetik, aztertuko ditugu musikaren munduan dauden genero desorekak, eta hausnarketa bat egingo dugu hari buruz; bestaldetik, instrumentazio desberdinen bitartez, abestiak interpretatuko ditugu, aukera izango dugu letrak idazteko, abesti bat sortzeko beharrezkoak diren tresnak eskuratu eta kolektiboan jotzeko helburuz.

18:30

Goiener kooperatiba ezagutzeko hitzaldia

Energia berriztagarrien sorkuntza eta erosketara bideratutako kooperatiba honek burujabetzara bidean egiten duen ekarpena ezagutzeko hitzaldia. EHUN, Otsailaren 15ean Euskal Errepublikaren eguna antolatzeko jaio den mugimendu herritarra da eta horren harira antolatu den hitzaldia da hau.

19:00

Santa Ageda Eguna

2002. urtean jaiotakoek egingo dute dantzan.  

19:00

Santa Ageda Buruñaon

San Blas ermitako emandadeko kideen bilkura Buruñao auzoan.

11:00

11:00

Erakusketa: Inkernuko kontzertuetako kartelak

Hamasei urtetan Inkernu tabernatik pasa diren kontzertuen kartelen bilduma osatu du Atxorrotx Kultura Elkarteak. (120 kartel) Horrekin batera, Errekan Gora egitasmoko zenbait kartel ere batu dituzte, eta, guztiak asteburuan jarriko dituzte Inkernun ikusgai.

17:30

20:30

Arrasate Atletiko Taldearen argazki erakusketa

Arrasate Atletiko Taldearen argazki erakusketa ikusgai egongo da urtarrilaren 31tik otsailaren 16ra bitartean, Kulturateko klaustroan. Erakusketaren ordutegia honakoa izango da: astelehenetik larunbatera bitartean, 17:30etik 20:30era bitartean.

'Nafarroa, Euskal Estatua' erakusketa

Euskal Herriko historiaren gakoak eskaintzen dituen erakusketa: lurraldetasuna, oinarrizko datak, pertsonaiak, gertaera garrantzitsuak, e.a. Nabarraldek mendeetako euskal historia laburtu du, azken mila edo mila eta bostehun urteetan nafar Estatuaren inguruan aritu baita; funtsezko elementuak aurkeztea da helburua, erakusketa argiaz, esanguratsuaz, eta batik bat, pedagogikoaz. Erakusketa Otsailaren 2tik 16ra egongo da ikusgai Bergarako Udaletxeko pleno aretoan.

18:00

20:00

Xilografia tailerra (linoleo gainean)

Jabetze Eskola egitasmoaren baitan antolatutako ikastaro hau, otsailaren 3tik martxoaren 9ra izango da, astelehenetan, 18:00etatik 20:00etara bitartean. Antzinako teknika hau erabiliko dugu sormena lantzeko. Guztiok sortzaileak gara egunero, sormenak askatasunaren usaina du. Sentitzen dugun hori bideratzeko, xilografia landuko dugu. Ez dugu zertan jakin marrazten, bidaia egiteko irrika soilik. Gure eskuek marraztuko dute linoleoan unean sentitzen duguna, eta paperean azalduko da isla, une horretako arnasa. Ezezagunak diren emakume sortzaile guztien omenez. Gu ere hemen gaude: gure ahotsa, nahia, gure eskuetan daude. Irribarrez, bidaiatzen.