Kluben arteko igoera fasea egon da jokoan asteburu honetan Oñatin, eta bertan, Aloña Mendiko, Urdaibaiko eta Ereintzako kadete eta jubenil taldea ibili dira nor baino nor gehiago Euskadiko Ligarako txartel bila. Azkenean, partidu gehien irabazita, Aloña Mendikoak igo dira kategoriaz.
Partiduak, hiru egunetan
Egubakoitzean, Urdaibaikoek eta Aloña Mendikoek neurtu zituzten indarrak: kadeteetan oñatiarrak nagusi izan ziren 20-34; baina jubeniletan bizkaitarrak izan ziren hobeak: 22-18.
Zapatuan Ereintzak eta Urdaibaik jokatu zituzten partiduak. Kadeteetan Ereintzak 19-16 irabazi zuen; jubeniletan, bestalde, Urdaibaik lortu zuen garaipena, 20-26.
Atzo izan ziren Aloña Mendi eta Ereintzaren arteko norgehiagoka erabakigarriak, eta etxekoek bi partiduak irabazi zituzten: kadeteetan 22-15 eta jubeniletan, 17-10.
