SASKIBALOIA: Bide Bideren aurka galduta lauko finala jokatu beharko du MUk

MUkoak baloia eskuratu nahian.
Partidu zaila zuten aurrez aurre Josu Larreategiren mutilek sailkapen buruan dagoen Tolosako Bide Bide zetorrelako etxera. Bazekiten hori eta dena ematera atera ziren. Garaipena eskura izan zuten baina azkenean ezin irabazi. EBA mailara ez dira zuzenean sailkatu, baina oraindik badute aukerarik; hemendik hamabost egunetara lortuko duten lauko finala irabazita.

Gogotsu kantxaratu ziren MUkoak eta lehenengo laurdenean baloi guztiak borrokatu zituzten. Bigarrenean, baina, beheraldia iritsi zitzaien eta lau minutu benetan eskasak jokatu. Hala, hainbat akatsen erruz, Bide Bide taldekoak 17 puntuko abantailarekin joan ziren aldageletara. "Jokalariekin aurrez aurre egin dugu berba aldageletan eta batzuek pauso bat aurrera eman dute gero", zioen Larreategik.

Partiduaren bigarren zatian alde horri buelta ematen jardun zuten arrasatearrek; baita hurbildu ere. Tolosakoak, baina, estu ikusi ziren orduan, eta Jon Gonzalez entrenatzaileak eskarmentudun jokalariak kantxaratu zituen "halako egoerak aurretik ere bizitakoak". Horri batu zitzaion MUkoek zuten nekea, eta azkenean bi puntugatik irabazi ezinik geratu ziren etxekoak (60-62).

Lan mentala egiteko

Zapatuko partidua hamabost egun barru jokatuko duten lauko finala gertatzeko baliagarria izan zela onartu zuen bukaeran Larreategik: "Eredua izan da jakiteko zelan jokatu behar dugun irabazi gura izanez gero; izan ere, norberak ez badu ondo lan egiten, defentsan ez badago intentsitaterik, ez dago zereginik".

Denboraldia luzea izan da eta nekea pilatzen joan da horregatik hemendik aurrerako entrenamendu saioak motzagoak izango dira, baina intentsitate handiagokoak. Eta behin lan taktikoak eginda "urte osoko lana hor dagoelako eta ez goazelako aldatzera", jokalariak mentalki gertatzea izango da erronka.

Erlazionatuak

Kirola asteburuan

Kirola

MENDIKO BIZIKLETA: Musakolako irteera giro onean

Arrasate

Musakolako jaien atarian egindako BTT irteerak 140 bat txirrindulari elkartu zituen atzo goizean. Ziar-Ola elkartetik irten eta Kurtzetxikitik, Bed...
ESKUBALOIA: Datorren denboraldian Euskal Ligan jokatuko dute Aloñako neskek

Oñati

Kluben arteko igoera fasea egon da jokoan asteburu honetan Oñatin, eta bertan, Aloña Mendiko, Urdaibaiko eta Ereintzako kadete eta jubenil taldea i...
SASKIBALOIA: Natra Oñatik sailkapenaren erdian bukatu du denboraldia

Oñati

Azken partidua galduta bukatu du denboraldia maila autonomikoan jokatzen duen Natra Oñatik. Bilbon jokatu dute asteburuan La Salle taldearen aurka ...
ESKUBALOIA: Asteburu borobila Oñatirentzat

Oñati

Izarraitz-Aloña Mendi mailaz igo daiteke oraindik ere, Gazteluetari 31-27 irabazi ostean. Jubenil eta kadete mailako neskek, bestalde, Euskal Ligan...
FUTBOLA: Aretxabaletak, Bergarak eta Antzuolak, irabazi; Aloñak eta Mondrak, galdu

Batzuek irabazi eta besteek galdu. Alde positiboan, Aretxabaletak mailaz igotzeko borrokan garaipen garrantzitsua batu zuen etxean Real Unioni 2-1 ...
MENDIKO BIZIKLETA: Ismael Estebanek irabazi du Euskadiko Openeko hirugarren proba Aramaion

Aramaio

Ismael Estebanek indartsu dagoela erakutsi zuen atzo Barajuenen jokatutako Aramaioko VII. Sari Nagusian. Euskadiko Openeko hirugarren proba zen, et...
CROSS COUNTRY: Borja Nieto onena, hareak fisikoki izugarri zaildu zuen lasterketan

Bergara

Borja Nieto pilotu bizkaitarra izan zen onena zapatuan Bergaran egin zuten Euskal Herriko Cross Country txapelketan. Elite mailan Balmasedakoak bed...
AUTOMOBILISMOA: Lola BMWa puntuan jarri duela erakutsi zuen Zabaletak Gorlan

Bergara

Hogei urte pasa dira Ayrton Senna pilotuak, Imolan, Enzo e Dino Ferrari autodromoan bizia galdu zuenetik. Tamburello kurban joan zen Bat Formulak e...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.