Azaroaren 1a Domu Santu Eguna da eliza katolikoarendako, eta hildakoak oroitzeko eguna herritarrendako. Gaurko egunez hilerrira joatea, urteroko egin beharretako bat izaten da debagoiendar askorendako; senide eta lagunen hilobia lorez apaindu eta familian elkartzeko aukera ematen baitu.

Gau Beltzak herritar asko elkartu zituen atzo, urriak 30, Bergaran, Arrasaten, Aretxabaletan, Elgetan eta Aramaion. Kukumarroak, kalabazak, kalejirak, hildakoen martxak eta dantzak izan ziren protagonista, besteak beste, herri horietan. Urriaren 31n Eskoriatzan eta Elgetan ospatu dute urteko gaurik beldurgarriena.