Eskoriatza Garbiak organikoarendako kuboak balkoietan jartzera deitu die herritarrei, protesta modura

Eskoriatza Garbiak deituta batzar irekia egin zuten atzo Ibarraundi museoan. Domekan martxan jarriko den atez ateko sistemaren aurka antolatu dituzten protesta ekintzen berri eman zuten; apirilaren 10eko osoko bilkurara joango dira, eta era berean, organikoarendako kubo marroiak balkoietan jartzera deitu diete eskoriatzarrei.

Domekan jarriko da martxan Eskoriatzan hondakinak batzeko atez ateko sistema. Sistema horren aurka dagoen Eskoriatza Garbia plataformak batzar irekia egin zuen atzo Ibarraundi museoan, herritarren ekarpenak jaso eta datozen egunotarako antolatu dituzten protesta ekintzen berri emateko. Atez atekoa indarrean jartzen den egunean bertan hasiko dira protestak.

Kubo marroiak balkoietan jartzeaz gain, apirilaren 10ean egingo den osoko bilkurara agertzeko deia egin diete herritarrei. Osoko horretan otsail amaieran egindako herri kontsultaren notario-akta entregatuko diote alkateari.

Protestak bateratua izan behar duela

Atez atekoaren aurka daudela ozen esan gura dute, diotenez Udalak euren iritzia aintzat hartu arte. Era berean, atzoko batzarrean behin eta berriz aipatu zuten protestak bateratua izan behar duela.

Bestalde, domekan indarrean jarriko den sistema berriaren gaineko zalantzak argitzeko Ibarraundi museoan bertan Hondakinen Bulegoa jarri du Udalak,  bi edo hiru hilabetez zabalik egongo dena. Astelehenetik eguenera bitartean goizez eta arratsaldez egongo da zabalik eta egubakoitzetan, berriz, goizez bakarrik.

Erlazionatuak

"Normaltasunez" dabiltza eskoriatzarrak atez atekoarekin, Udalaren arabera

Eskoriatza

Domekatik martxan da atez ateko hondakin bilketa sistema Eskoriatzan. Udalak esandakoaren arabera, lehen egunotan "lasaitasunez" egin da bilketa, e...
Hiri hondakinak atez ate ateratzen hasiko dira eskoriatzarrak domekan

Eskoriatza

Domekan hasiko dira eskoriatzarrak zaborra atez ate ateratzen –zabor organikoa atera beharko dute egun horretan– eta dagoeneko gertu ditu Udalak si...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.