Esku hutsik bueltatu ziren Bergara eta Antzuola

Mahoneroek 3-0 galdu zuten Touringen aurka; antzuolarrek ere kale, Berioren kontra (4-0).

Bergarak eta Antzuolak ez zuten ezer positiborik atera Donostia aldera egindako bisitetatik. Bergarak 3-0 galdu zuen Touringen aurka; Antzuolak, berriz, 4-0 Berioren kontra.

Bergararen kasuan, Aitor Arrate entrenatzailearen arabera, klabea izan zen husnako berdinketarekin Jokin Baltzategik penalti bat huts egin izana. 0-1ekoa izan behar zena 1-0ekoa bihurtu zen laster, Touringen kontraeraso baten. Atsedenaldira 1-0 heldu ziren. Bigarren zatian bi taldeak aritu ziren nor baino nor gehiago, baina donostiarrek 2-0ekoa egin zuten falta baten, buruz.

Gero bergararrek izan zituzten aukerak 2-1ekoa lortzeko baina ez zuten asmatu. Partiduaren hondarrean heldu zen 3-0ekoa, korner baten: "Esku hutsik goaz Bergarara. Bagenuen esperantza zerbait positiboa ateratzeko baina ezin izan dugu ezer egin. Hasierako penaltia huts egin izana klabea izan da, baina ezin zaio horri erreparatu. Galdu egin dugu, ez dago aitzakiarik", dio Bergarako entrenatzaile Aitor Arratek.

Berioren zelaia, oso gaizki

Berio eta Antzuolaren arteko partidua "erabat" baldintzatu zuen futbol zelaiaren egoerak, Antzuolako jokalari Julen Aranbarrik azaldu duenez: "Zelaia oso txarto egon da, ezinezkoa zen jokatzea".

Nahiko ondo hasi ziren antzuolarrak baina penalti baten 1-0ekoa egin zieten eta gero, kontraeraso baten, 2-0ekoa. Bigarren zatian heldu ziren etxekoen gainerako bi golak. Zelaiaren egoerak ez zuen jokatzen utzi eta Beriok izan zituen aukerak aprobetxatu zituen hiru puntuak eramateko: "Jokoa etenda egon da askotan; atzealdeko urruntze guztiak kanpora egin behar ziren, bestela baloia hilda gera zitekeen aurrelariarendako", gogoratu du Aranbarrik.

Antzuolak lehen zatian izan zuen aukeraren bat, baina garbirik batere ez.

Erlazionatuak

Iban Letamendi irabazle Cangas de Oniseko mendi lasterketan

Oñati

Oñatiarrak bikain hasi du denboraldia. Lehenengo lasterketa izan zuen zapatukoa, eta garaipena lortu. Luis Alberto Hernando lagunarekin egin zuen l...
Sei gol egin dizkio Aloñak Hondarribiari

Oñati

Gol festa izan da gaur Azkoagainen, sei gol egin dizkio Aloña Mendik Hondarribiari. Partidu hasieran Iker Olaldek egindako golak hasieratik baldint...
Lehen laurdenetik aldea hartu eta MU-k ez dio aukerarik eman Goierriri

Arrasate

Arrasatearrek sendo jarraitzen dute bigarren postuan, Bide Bide Donostirengandik garaipen bakar batera. Sailkapenean dagoen aldea –lau garaipen bai...
Lehenengo denboraldia du Mondrate taldeak, baina posible ikusten dute igoera fasea

Arrasate

Zapatuan 2-0 irabazi zioten Arrikitaun taldeari, eta bigarren doaz sailkapenean.
Partidu eroak ez zion mesederik egin Natrari

Oñati

Lau partidu jarraian –azkena, Urdaneta bigarren sailkatuaren kantxan– irabazi eta gero, aukera ona galdu zuen Natra Oñatik zapatuan. 73-95ko emaitz...
Aurkaria hobea izan arren, azkenera arte borrokatu zuen Mondrak

Arrasate

Mondrako neskek 0-4 galdu zuten Emakumezkoen 2. mailan lider sendoa den Athleticen aurka: "Bi taldeen artean dagoen aldea ikusita, oso pozik gaude"...
UDAk lehen minutuetan sartutako bi golei esker menderatu zuen Anaitasuna (2-0)

Aretxabaleta

Azken boladan inork ezin du UDA menderatu. Ezta duela gutxira arte liderra izan den Anaitasunak ere. Atzo azkoitiarrak ez ziren behar den tentsioar...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.