Beñat Arnaizek irabazi du Idiazabalgo krosa

Beñat Arnaiz aretxabaletarra nagusitu zen atzo, domeka, Idiazabalgo 34. krosean. Debagoieneko atleta asko izan ziren lasterketa berezian, Anpo enpresaren urteurrena ospatzeko, ibilbidea zati bat lantegi barrutik egin zuten-eta. Hala, 10 kilometrotako lasterketak sekulako parte-hartzea izan bazuen ere –613 lagun iritsi ziren helmugara– Beñat Arnaiz izan zen azkarrena (33.47). Aretxabaletakoaz batera, Ritxar Fernandez oñatiarra 3 segundogatik ez zen podiumera igo, eta Oñatikoa laugarren postuaz konformatu behar izan zen. Podiumera igo zen Marisol Ramos oñatiarra, hirugarren egin zuen emakumezkoetan. Aipatzekoa, baita ere, Endika Donnay arrasatearrak egindako lasterketa, 10 onenen artean sailkatu zen-eta. Argazkia: Lasterketak.com