Jaiak 2016: Bergarako Pentekosteak
2016-05-19 11:17 Bergara JAIAKProfesionalen pilota jaialdiaz gozatu dute Bergaran
2016-05-19 10:44 Kirola Bergara HEMEN DEBAGOIENABergarako jaien barruan Aspek antolatutako pilota jaialdian profesionalen arteko partiduak jokatu zituzten udal pilotalekuan. Hala, Beñat Rezusta bergararrak Buruz buruko Txapelketan ezustekoa eman duen Irribarriarekin osatu zuen bikotea Ezkurdia eta Zabaletaren kontra.
Umeak eta helduak jaietako azken eguna aprobetxatzen
2016-05-17 16:17 Kultura Bergara GAURKOAKEtxeko txikienendako eta gazteendako jolas parkea jarri dute egun guztian zehar Ipintzako patioan, eta eguerdian herri kirol erakustaldia egin dute San Martin plazan. Umeen eta helduen eguna da Bergarako Mendekoste jaietako azken egun honetan eta gustura dabiltza guztiak azken eguna aprobetxatzen.
Jaietako azken eguna gaur Bergaran
2016-05-17 09:18 Bergara
Parranda eguna izan da atzokoa Bergarako jaietan, koadrilen arteko jolas, herri bazkari eta Laket taldearen erromeria jendetsuarekin. Gaur da azken eguna, baina hamaika ekitaldi geratzen dira oraindik gozatzeko. EGITARAUA
Bapo bazkalduta, festan jarraitzeko indarrak hartu dituzte bergararrek
2016-05-16 18:20 Bergara
Seminarioan jarritako bi karpen azpian batu dira gaur 700 pertsona, jaietako herri bazkarian. Aurreikusi baino beranduxeago hasi den arren, sekulako giroa izan da. Entsalada, oilaskoa parrilan, txerri saiheskia eta limoizko sorbetea izan dute jateko. Kafearen ostean ez da falta izan mahai batetik besterako bisita, kantu eta barrerik.
Poteo Izarrak taldea izan da onena koadrilen arteko joko jendetsuetan
2016-05-16 15:47 Bergara HEMEN DEBAGOIENAHamar taldek hartu dute parte eguerdian zezen plazan jokatu dituzten olinpiadetan, guztiak ere koadrilako kamiseta edo blusa soinean. Inoiz baino talde gehiago hondarrean, eta harmailak ere lepo beteta, primerako giroa izan da herri bazkarirako berotzeko.
Sekula baino talde gehiago koadrilen arteko jokoetan
2016-05-16 15:47 Bergara
Jaietako astelehena da gaur, Pentekoste jaietako koadrilen eguna. Eguerdian koadrilen arteko jokoak izan dira zezen plazan, sekula baino parte hartze handiagoarekin, gainera. Denera, hamar koadrilak hartu dute parte. Sokatira, zaku karrera, zezenekin jokoak… denetarik egin behar izan dute ikusleen animo eta barre artean. Azkenean, Poteo Izarrak taldea izan da irabazle, eta hirurehun euroko saria jaso dute erosketa bonotan.
Askorako eman du jaietako asteburuak Bergaran
2016-05-16 17:39 Bergara GAURKOAKGaurkoa ez da ohiko astelehena izaten ari Bergaran. Jaietan daude egubakoitzetik, eta gaurkoa egun handietakoa da, koadrilen eguna. Baina gaur bakarrik ez; egubakoitzetik, Bitorianatxo herrira jaitsi zenetik, askorako eman du Pentekosteetako asteburuak Bergaran. Atzegiko kide Gorka Rementeriak txupinazoa jaurti eta festak eztanda egin zuen.
Bergarako jaiak 2016
Albisteak, egitaraua, galeriak eta erreportajeak.
EGITARAUA EGUNEZ EGUN:
Martitzena, maiatzak 17
Zapatua, maiatzak 21
Domeka, maiatzak 22