Ipintzako patioa etxeko txikienen eta gaztetxoen paradisu bihurtu da gaur, martitzena. Izan ere, umeen eta helduen eguna ospatzen ari dira gaur Bergarako Mendekoste jaietako azken egunean, eta eguerdi partetik ume ugari dabiltza puzgarri eta bestelako joko edota ekintzekin dibertitzen. Umeez gain, gurasoak ere pozik dabiltza, txikienak jolas parkean gustura ikustean.
San Martin plazan, berriz, goi mailako herri kirol erakustaldia egin dute eguerdian. Aizkoran, harria jasotzen edota txingak eramaten, eta helduagoak gustura izan dira hori ikusten.
Gaur amaituko dira Bergarako jaiak Bitorianatxoren igoerarekin, eta aurten gainera, aurreko urtetan baino bi ordu lehenago erretiratuko da, gaueko 22:00etan agurtuko da, hain justu. Bitartean Bergaran festa giroarekin jarraituko dute.
