Txatxilipurdiren baitan sortu zuten Zuaz kulturartekotasun laborategiko kideen eskutik. Proiektu eta sareen hastapenak, ibilbideak, aurkitutako oztopoak, etorkizuneko erronkak eta euskararen erabilera zein protagonismoa aztertuko dituzte.
Intxortak eta Sare Antifaxistak antolatuta Eduardo Renobales historialari eta idazleak ANV eta Eusko Ekintza Batailoien gainean egingo du berba.
Landatxopek antolatuta, solasaldia izango da Toti Martinez de Lezea idazlearekin. Bere liburuez hitz egingo du, eta irekia da ekintza, nahi duen ororentzat.
Hetero liburua aurkeztuko du Uxue Alberdik, Oihana Aranarekin batera, Jabetze Eskolak gonbidatuta. Zortzi ipuinez osatu du liburua Alberdik; protagonista gehienak emakumezkoak dira eta gizonen gainean ari dira batez ere, haiek euren gorputzetan, memoria afektiboan eta egunerokoan utzitako arrastoez.