Sanpedro herriko patroiaren omenez, herriko txistularien soinuak esnatuko ditu eskoriatzarrak.
Xalbadorpe erretiratuen elkarteak urteko batzarra egingo du. Gaiak dira: Aurreko akta onartu 2020ko diru kontuak. Zuzendaritza aldaketa Abendura arteko egitaraua Urteko kuotaren ordainketa Galdera erantzunak. Oharra: derrigorrezkoa izango da maskararen erabilera.
Gaztelekuak antolatuta Laser Tag jarduera neska-mutikoendako, Asentzion. Ezinbestekoa da aurrez izena ematea. Prezioa. 15 euro.
Bakardadean edo isolatze prozesuan bizi diren pertsonak identifikatu eta harreman-sare berri bat sortzen laguntzeko egitasmoa da Begirada Adia eta adineko pertsonak elkar ezagutzeko eta elkarrekin egoteko kafe hitzordu bat antolatu dute gaurko Pake Lekuko tabernan: Nagusi kafegune.
'Bizitzak erdigunean: Oñatiko zaintzaileen genealogia feminista bat 1950-2020' liburua Selma Huxley bekarekin egindako ikerketa lana da eta horren barruan, lan saioa edo tailerra egingo dute gaur. Gaia da: 'Hartu eta eman: zaintza lanen demokratizaziorantz' (euskaraz). Kultura etxeko erakusketa gelan izango da. Izena hemen eman behar da. (OHARRA: Izen emateak ez dira heldu ezarrita zegoen minimora eta bertan behera gelditu da).
EKKO izeneko prebentzio proiektua prestatu dute hainbat eragilek elkarlanean, eskola, kirola, komunitatea eta osasuna batuta. 2010 eta 2011 urte artean jaiotakoekin landuko dute eta horien gurasoei aurkezteko bilera egingo dute.
San Pedro egunean, Beheko Errota musika eskolak kontzertua eskainiko du, Santa Marinan, 18:30ean.
Sexualitaeta, boterea eta Queer teoriak hitzaldia eta solasaldia, liburutegian. Hizlariak: Jon San Vicenterekin eta Markel Ojanguren. Edukiera muga beteta dago.
Iñaki Bruñaren argazkiak ikusgai.